احبك لاتقولي كيف..؟ وانا عنكم بعيد اميال = لك الاشواق تدفعني تعذبني وانا المحتار
بعيده عن نظر عيني وفي قلبي لكم منزال = حقيقه قد ملكتيني ولا تدرين باللي صار
انا ماني قطوع الوصل انا ماني معك محتال = برغم البعد ياعمري اجيلك دائماً مرار
اجيلك مسرع ٍ مجنون اسابق دمعي الهمال = قطعت البعد في لحظه وانتي تبعدين الدار
ملكني حبك الطاهر سكن قلبي ولاينزال = ثبت رسمك ومدلولك تخطه ريشة الاقدار
سبحنا بالهوى العذري نسينا ان الزمن ميال = هلكنا دون ماندري نسينا ان الزمن غدار
انا بعدك حزين العين انا ماني خلي البال = سهير الليل متعذب عيوني دمعها نثار
احبك لاتقولي كيف..؟ رجائي ترحمين الحال = قتلني حبك الغالي دفعني داخل الاخطار