ياصبا نجد هبّـي ليـن وادي مـدار=
واقصدي صاحبي واقري عليه السلام=
+=
وبلغيه ان قلبي يشتعـل فيـه نـار=
وكلها اوقات عمري في بعاده ظـلام=
+=
بعد فرقاه روحي دايماً في احتضـار=
لولا ذكراه ماتت وانتهت من عـوام=
+=
في عيني ضاقت ارض الباديه والقفار=
والمرابـع طوينـا زلّهـا والخيـام=
+=
جا للاشواق في داخل فوادي مطـار=
والمشاعر لها في وسط قلبي احتدام=
+=
دايم الفكر سـارح ليـل والا نهـار=
ماتهنيت في ارض العاصمه لي مقام=
+=
وانا قلبي معلّق في جنـوب الديـار=
ديرة الصاحب اللي مايصفـه الكـلام=
+=
اختاره خاطري بين العبـاد اختيـار=
والضروف ابعدتنا غصب والنجم طام=
+=
المكان الخيال واما الزمان انتضـار=
والاماني رهينه للظـروف الجسـام=
+=
بين هـذا وهـذا مـر قلبـي مـرار=
كلما نـام فـاق وكلمـا طـاح قـام=
+=
سجن الوقت قلبي ظلم واصدر قـرار=
سد قضبان سجنه القلب يـرزم رزام=
+=
السجين الذي يمنـع عليـه المـزار=
يطعن الهم قلبه مثل طعـن الحسـام=
+=
والدموع اغرقت عيني وجاها انهمار=
والهواجيس شبتنـي بنـار الهيـام=
+=
ماقبلنا من اضروف الزمان اعتـذار=
والقدر نافذ امـره مايفيـد الخصـام=
+=
ياصبا نجد بلغ صاحبـي بااختصـار=
انه اول نصيبي وانه مسـك الختـام=