زوجتي عربجيه ؟؟!!؟؟

دلع نجد

كنت جالس بمكتبي ودخل عليّ واحد من الاصدقاء المقربين

قال يا فلان ودي اشكي لك

قلت سم كلي لك وصدري مفتوح لك

امممممممممم والله مدري وش اقول بس بأقولها وانت تفهمها..... زوجتي عربجيه

هاه .. وش تقول؟!

أقول لك زوجتي عربجيه وتفتقد شي اسمه انوثه ونعومه!!

حشا متزوج كربه انت مهوب حرمه

والله انك جبتها هذا اقرب وصف لها.. تصدق من خشونتها وعرجبتها احس اني جالس مع رجال مو انثى

تصرفاتها غريبه... اكلمها برومانسيه ترد علي بعبارات غريبه

مرّه قلت لها مساء الورد حياتي مير تطالعني بعين وتقول ( اغدي دهنه)

لا جيت من العمل القاها تتفرج على الفيديو افلام تفحيط سيارات أو مباريات مصارعه حره

تحب التفحيط...

مير تطلع عيوني قلت انت صادق والا تمزح؟

طيب كمل وعلمني زود عن الرجال اللي انت متزوجه

قال وش اقول ووش اخلي

دايم تلبس ملابس كوره والا تلثم بشماغ .

واذا شافتني مولع سيجاره تقرب وتشم بقوه وتقول اتنثر واروح هوى مع هالريحه

اذا طلعنا للبر مع الاهل ونقرب للمخيم تقرب يمي وتضغط على البوري بقوه وتصارخ ويا حوول يا البزارين بالبر مالهم فرصه يلعبوون بالدباب مسيطره عليه تلعب فيه كل الوقت وتطعس وتموت بالسيارات اللي نوع جيب ربع والا جيب شاص

لو نكون بالسوق وأحد طالعنا بعين صدفه يعني مو قاصد تقعد تطالعه وتصرخ فيه وش تناظر يا الثور

والله اني خايف على عيالي لا يطلعون عرابجه على امهم

قلت له بسألك سؤال

كيف كانت طفولتها يعني كم عدد اخوانها وخواتها

قال ما لها الا ثلاث اخوة ومالها اخوات

قلت اذا عرف السبب بطل العجب

زوجتك عاشت مع عيال وتربت على تصرفات العيال لذا تركت النعومه على جنب واخذت تصرفات التماسيح اخوانها اللي يبدو انهم كانوا منفلتين وراعين بر او بمعنى اصح عرابجه

وهذا كبر معها لذا تشبعت من تصرفاتهم وصارت تحس نفسها واحد منهم

قال وش الحل

- - - - - - - - - - - - - - - - - - - - - - - -

نقلت لكم هذه المحادثه وبإنتظار رؤيتكم وحلولكم للموضوع

حلاها سعودي

دلع نجد مشكورة على الطرح.......

انا اشوف يكلم اخواته البنات عنهاعلشان يحاولوا يعلموها على حركات البنات طريقة لبسهم

اسلوبهم ومشيتهم............الخ

اون لاين

أحياناً تكون عربجة البنت وخفة دمها أفضل مليون مره من دلاخة وثوارة بعض الناعمات الفاغرات.وأتذكر أن أحد الشباب كان له صديقه عربجيه من هذا النوع..يقول ذهبت معي يوماً في سيارتي وفي الطريق قابلنا شارع فيه نزله قوية (دحديرة يعني) يقول أنا خفت كثيراً وكاد قلبي أن يخرج من مكانه.في المرة القادمة يقول تواعدنا أن نخرج مرة أخرى فقالت له أريد أن أطلب منك طلباً .قلت لها : عيوني لك.قالت: ابيك توديني مع هذيك النزله .. أحبها مرررره

. وشخصياً أرى ان هذه العربجية فيها من مكامن الجمال والأنوثة الكثير لكن ربما ثوارة هذا الفارس حجبت الرؤية لديه ولم يعد يشاهد فيها سوى سلبياتها

خدمه شي يالربع

حبي لمملكتي

اعتقد انها مسترجله
يعني تحب تقلد الرجال وتميل للامور التي يزاولها الرجال
يجب عليه ان ياخذها لطبيب نفسي وكذلك يشرح لها دورها ويذكرها بفاتها اللي الله غرسها فيها

اون لاين

بالمناسبة ياسيدة دلع نجد
كلمة حق يجب أن تقال في حقك.
بالرغم أن هذا الموضوع ملطوش كعادتك وسوابقك المعروفة كأكبر من لطش في تاريخ المنتديات،إلا إنك رائعة وتستطيعين إختيار الموضوع الجميل،فأنا أحترم كثيراً الشخص أو الشخصة اللذان يجيدان مايقومان به حتى لوكان ملطوشاً.

أمنياتي يم اللطش وفي إنتظار لطشه جديدة

التميز خلال 24 ساعة
العضو المميز	الموضوع المميز	المشرف المميز
حلا الحلوة	عريس المدعوة حلاها سعودي.. بقلم : صدى ضحكاتي بكاء	صدى ضحكاتي بكاء

أدوات الموضوع
مشاهدة صفحة طباعة الموضوع أرسل هذا الموضوع إلى صديق