إذا تحبيني .. قلبك شاريني .. لا لا تخليني .. ولا لحظه..روايه سعوديه رووووعه.. - الصفحة 2

هسترة الصبايا

>> الجزء الثالث <<
\

طلعت من قاعة الأختبار وهي مو مصدقه كانت تمشي بس مو حاسه بنفسها ..
ناظرت شلة المرح جالسين يضحكون بصوت عالي ويوم شافوها وقفوا وراحوا ناحيتها وهم يركضون كأنهم خبلان ..

غلا وهي تضم بيان الي مازالت جماد مو حاسه بنفسها / خلـــــــــــصنا بيان خلصــــــنا الثانويه ..!!

البندري / بشوي شوي عليها بتموت خليها تاخذ نفس ..

غلا بعدت شووي تناظر في بيان الي دموعها بعيونها لكن مانزلت .. ومازالت سرحانه بعيونها عنهم ..

شيخه / بيان سلامات وش فيك ..؟

لينا / من الفرحه يمكن ..

مريم بدفااشه بعدتهم عنها ومسكتها تهزها / وش فيييك اضحـــــكي مو وقت تبكين على المدرسه فيه جامعه لاتخافي بتذاكرين ..

ضحكت بيان وسط دموعها وضربت مريم على كتفها / ههههههههه مو مصدقه بنات وربي مو مصدقه حاسه اني بحلم وبصحى منه

غلا / لا ماراح يصير حلم بعد شوي راح تتأكدي .. يالله وحده تطلع البيبسي بنات

مسكت لينا شنطه مليانه بيبسي لأن الشله معروفين بعشقهم للبيبسي الي يشاركهم كل افراحهم ^_^ وعطت كل بنت علبه ..

تجمعوا على شكل دائره ومدوا اياديهم الي فيها العلب واليد الثانيه استعدوا يفتحوا البيبسي ..

بيان بحماس / مستعدين ..؟؟ واحد ..... ثنين .... ثلاثه .....

طــــــشششششششششش

فتحوهم مع بعض وعلى طول كل بنت قامت تشرب وهم يضحكون الا بيان الي بس وصلت العلبه لفمها رجعتها على طول وهي تناظرهم بخبث وبدوووون اي تردد .. سبحتهم كلهــــــــــم بالعلبه ومابقى منها شيء

البنات / آآآآآآآآآآآآآآآآآآآآآآه وجــــــــع بيانووووووووووووووه

ماحست بنفسها الا انها تركض تنقذ نفسها منهم وهي ميته ضحك .. وهم وراها .. وبنات المدرسه يناظرونهم مستغربين ..

معقوله هذه حركات بنات بيروحوا الجامعه ..!!

\

الأربعاء الساعه 6 ونص المغرب /

فتحت عيونها بكــسل بعد ماحست ان بغرفتها أحد ..

لفت لجهة باب الغرفه وشافت ظل واقف عنده ..

بيان بصوت خافت ملياان نوم / ميـــن ؟؟ غلا ؟؟

/ لااا .. حلاااا

ابتسمت بيان يوم عرفت صووت ضي ..

بيان قامت وهي تزين شعرها الي انعفس من النوم / وش فيك واقفه تناظري فيني شغلي اللمبه ظلاام يااختي ..

ضي بهدووء / ممممم ماتكفي الأبجوره ؟؟ قومي حبي .. في احد يبيك تحت ..

بيان ناظرتها مستغربه / يبيني ؟؟ مين اكيد غلا تبي تنتقم من البيبسي الي سبحتهم فيه اليوم هههههههههه

ضي لساا على هدوئها / نو شخص ثاني يبيك ..

بيان/ شخص ثاني ..؟ وش ذا الغموووض ؟؟ مين هو ؟؟

ضي لفت بتطلع / البسي وانزلي وتعرفينه ..

طلعت ضي من الغرفه وبيان علامات الأستفهام على راسها ..

\

نزلت بيان بعد مابدلت ملابسها وصلحت شعرها .. شافت الصاله ظلام ..

يؤ ؟ وش السالفه ؟ وينهم ؟ توها بتنادي الا فجأه شغلــــوا اللمبات ..

وبصووت واحد / سبرااااااااااااااايز

فتحت عيونها من الدهشه .. امها وابوها جالسين وهم مبتسمين ويناظرونها بــحب ..

وحمد ومشاري وسطام واقفين عــند كيكه طبقاات مره شكلها نايس ..

وضي وحلا ماسكين رشاش الحفلات الي يطلع ثلج وخيوط ملونه ^_^

ضي تقدمت منها وحضنتها / ألف الف مبروووووووك التخرج وعقباال النسبه العاليه قلبوو

دمعت عيون بيان وهي تضم ضي / الله يبارك فيك حبيبتي

تقدموا كل خوانها وباركوا لها وراحت هي لأمها وباستها على راسها وضمتها

بعدها باست يد ابوها وراسه وضمته بقووووووووه وهي تبكي من الونااسه ..

يااارب يااارب لاتحرمني منهم وتخليهم لي ياارب

حلا / وينك ياحلوه .. تجين من المدرسه وعلى طوووول نوم

بيان وهي تمسح دموعها / جيت تعبانه بعد الركض والرقص في هالمدرسه صايره مرقص مو مدرسه هههههه

مشاري / ههههههههه مااحد يلومكم خلصتوا الثانوي لازم ترقصون

بيان/ المشكله كل بنت خلت المدرسه كلها تكتب لها على مريولها وانا مريولي اختفى صار كله كتابات

حمد / يوووه تصرف بزارين

ضي / لا عادي هذا بنات هالأيام

ام حمد / ايه بنات هالأيام اختربوا

بو حمد / ههههههههه تكلمت ام حمد

بيان بدلع / يممممه وش اختربنا ؟ عادي لاازم مذكرات ومافيه احلى من المريول

سطام / جيت اليوم من الدوام وقلت وين بيونه نبارك لها قالوا نااايمه ولا كان بوديك بااسكن اشتري لك اكبر برميل

ضي / برميل خخخخخخخخخخ

سطام / اوووص

بيان / هههههههههههه وربي بس جيت رحت على طووووول غرفتي .. بس لحظه مايمنع الحين توديني (( ناظرته بخبث ))

سطام / ههههههههههه لا الحين بنااام

مشاري / ول ماشبعتي من هالكيكه الكبيره .. ترى على ذووق ابوي (( وقام ينزل ويرفع بحواجبه ))

بيان / هههههههههه ادري ماصارت حلوه الا لانها على ذووق بابي

خزوها اخوانها وهي كملت وهي ميته ضحك عليهم / بس ابي افهم ليه هالحفله ماأجلتوها لما تطلع النسبه وسويتوها حفل كبير خخخخخ

بو حمد / لا هذه الحفله نبيها بنفس وقت فرحتك يوم خلصتي اختباارات .. واذا طلعت النسبه ابشري بالحفله الكبيره الي تخلي الكل يتكلم عنها

ام حمد / يؤ يؤ يؤ لاتخرب البنت علينا .. بكره تتزوج وتبي زوجها يسوي مثلك

ضمت بيان ابوها وهي مستااانسه / يسلمووو بابي ربي يخليك لي .. ولاتخافي امي زوجي لازم يصير مثل ابوي اعرف اسويه مثله بطريقتي

الكل / ههههههههههههههه

حلا / والله وصار طبخـــه تسويها ..!!

بيان وكنها تذكرت شيء وشهقــت وهي توقف / ويــــــــــــــن جدتــي ............؟؟؟

مشاري يتطنز / خلصت فترة جلوسها عندك خخخخخ

بيان عصبت وحطت يديها على خصرها / لا والله مالها الا اسبوعين شايفني غبيه

سطام / بسم الله عصبت

ام حمد / ورا ما تضربي اخوك ؟؟

حلا وهي ماسكه بطنها على شكل بيان وهي معصبه / هههههههههههههههههههههههههههههههه

ابو حمد مبتسم / ليه تحبوا تجننوها هوايه هي ..؟ ياعمري انتي جدتك راحت بيت عمك بو وليد لان اليوم ولد عمك وليد بيجي من السفر وتبي تشوفه له ست سنوات ماجا السعوديه مع هالدراسه الي حتى بأيام العطل يدرس ..!!

\

الساعه 7 المساء /

كانت منسدحه على سريرها و تناظر الصور في الابتوب .. دق باب غرفتها
/ ميــــن ؟؟

/ ايوا انا ريم ممكن ادخل ساره ؟

ساره / ادخلي حبيبتي

ابتسمت ساره لــ اختها الهاديه الي نادر ينسمع صوتها عكس الأطفال بعمرها العشر سنوات ..

ريــم / ساره انا طفشانه ابي اروح لبنت خالي ريهام ..!!

ساره / حبيبتي اتصلي عليها وشوفي اذا موجوده قولي لفيصل اوفهد يودونك ..

ريم تأشر براسها بمعنى لا / اتصلت عليها موجوده .. لكن فيصل وفهد مو موجودين ..

ساره ابتسمت / خلاص قلبي مدامها موجوده انتظري الساعه 8 اوديك لها مع السواق وفارس .. يعني بعد ساعه اوكي ؟

ريم ببرائه / اوووووكي

باست ساره على خدها وطلعت

يااااحبي لـ هالبنت ..!!

سكرت الابتوب وقامت وطلعت ووقفت عند غرفه جنب غرفتها دقت الباب بشوي شوي

ساره بصوت هادي / مرام ..؟؟ مرام ؟؟ افتحي الباب ابيك شوي

ظلت واقفه ماتدري دقيقه ؟؟ دقيقتين او حتى عشر دقايق .. المهم انها مافقدت الأمل وان شاء الله بتفتح لها هالمره ..

رجعت تدق الباب وبصوت اعلى شوي من الي قبل / مرام حبيبتي لي اسبووع معطله وطفشاانه من قلب افتحي بسوولف معك

سمعت خطوات تقترب من الباب ..

كنت حاسه اني لو قلت هالكلام بتفتح ..!! حنوووونه يامرام حنووونه حتى في لحظات الألم والعذاب الي تعيشيها..

انفتح الباب .. وكان النور خافت داخل الغرفه .. طلت ساره براسها وقالت بصوت مرح / ممكن ادخل ياأختي الحلوه ..؟

جاها صوت حسته بعيــــــــد بعيــــد كثيـــر عنها .. بس نعومته وجاذبيته ماراح منها شيء

/ تفضلـ ـ ـي

دخلت ساره وناظرت على طول بالعيون الي تناظرها بأنكسار وألم .. ناظرت اختها وهي تحس انها من زمااان ماشافتها لدرجه نست ملامح وجهها ..

رجعت تدقق فيها بصمت ..عيونها الخضرااء الواسعه .. وشعرها الأشقر الغامق فيه خصلات بنيه .. بيااض بشرتها ولون شفايفها .. كلها تدل على الجماال المغري فيها .. وهي في هـ الحاله من الدموع والحزن والعزله .. كيف لو انك بسعاده يامرام ؟؟ كيف لو انك متكشخه وش بتصيري ؟؟ دمعت عيون ساره وماقدرت تمسك روحها .. رمت نفسها بحضن اختها الي ضمتها بدورها وباستها على راسها ..

ساره وهي تشهق وبصوت متقطع / ليــ ـ ــه لـ ـيـه يا مـ ـر اام لـ ـيه تسـ ـو ين بـ ـنفـ سك كذ ااا لييييييييييييييه ؟؟

مرام / .............

ساره / ليييييه جاوبيني ؟؟

مرام بصوت هادي كله ألم / ساره حبيبتي ........... الله يخليك اطلعي روحي غرفتك هذا انتي شفتيني

ساره رفعت راسها وبصووت عالي وصرااخ / شفتــــــــك ؟؟ شفتك في هالظلام شفتك بهالشكل شفتك في دقايق شفتك وانتي عازله نفسك عن العالم ؟؟ حرام عليك حسي في الي يحبونك وعذاابهم .. الي صار لك كله من ربي كله من الله تعترضي على ربي ؟؟

مرام وسط دموعها بهدووء غريب / بس انا السبب وانتي عارفه هالشيء ياساره .. (( غمضت عيونها شوي وفتحتهم .. وبصوت أعلى )) انا بيديني قتلت حلم من سبع سنوات كنت احلم فيه .. قتلته ياساره قتــلته بيديني .. تذكرين أمي وقتها وش قالت لي ..؟ أني ماأستاهل هالحلم لأني قتلته ..

ساره انهاارت ماقدرت / لااااااا ماقلتيته الله كاتب له هالشيء الله كاتب كل شيء

مرام مسكت مقبض الباب / مافيه فايده ياساره الله يخليك اطلعي ابي انام

ساره تمسح دموعها / تنامي ؟؟ تنامي وانتي 24 ساعه دموع ونوم حتى الأكل بس تتغدي وبالموت بعد ..؟ تبي تنتحري ترى النااار جزائك ؟؟

صدت مرام ونزلت راسها .. ونزل شعرها على وجهها .. ولاردت

انتظرت ساره شوي بعدها طلعت من الغرفه وسمعت صوت قفل الباب وهو يتقفل ..

دخلت غرفتها معصبه على اختها الي مو فاهمه ان كل هذا مقدر ومكتوب ..

جلست على سريرها .. ياااربي ياااربي اغفر لها ..

نزلت راسها تفكر.. ماأحد يلومها حياتها من هي صغيره عذااب ..!! ويوم كبرت عذااب .. ويوم أخيرا فرحت انقلبت الفرحه عذااب ..

أنتبهت من تفكيرها على صوت الجوال ناظرت الشاشه (( بنوته كول ))

مسحت دموعها وتنحنحت علشان تعدل صوتها ^_^

ساره / هلا بـ بنوته كول

بيان / هلا بـ عجوزه ناايس

ساره / مالت عليك وعلى الي كاتب لك نك ماتستاهلينه

بيان / هـ هـ هـ تكفييين من زينه .. اسيلووه تكتبين لها روحي تحبك

ساره ابتسمت / يازيين الي يغارون .. تصدقي بياان دايم تجين بوقتك ماادري ساحره ولا هذه موهبه

بيان / هههههههه لا ساحره احلى .. ليه وش صاير

ساره نزلت راسها وقامت تصرقع أصابع يدها الفاضيه / قبل شوي رحت لمرام وكالعاده تلقيت طرده محترمه

بيان بألم / ياعمري هي مازالت ؟؟ الى متى طيب

ساره / قلت لها يابيان قلت لها .. بس وش اسوي ياعالم ؟؟؟

بيان / ربك كريــم

ساره / ونعم بالله

بيان حبت تطلعها من جو الكئابه / انتظري لاتنسيني الي خلاني اتصل فيك علشان اقوله لك

ساره بتطنز / يعني مو لله متصله يابيان هانم

بيان بحماس / الا لله .. ولو عرفتي الي بقوله بتطيرين من الفرحه ..!!

ساره كشرت / بطير من الفرحه ؟؟ ما أتوقع ضاايق خلقي لدرجه مو طايقه نفسي

بيان بدلــع / حتى لو كان في السالفه حبيـــب القلب ..

ساره من سمعت طاري حبيب القلب نطت من على السرير وراحت تركض للشرفه بغرفتها سكرت باب الشرفه وراها

ساره بحمااس يطلع من الف سماعه / بيوووووووووونتي حبي هاه بشري عسى رجع السعوديه ..؟

بيان بدلع اكثر / شو تعطيني ياروح بيان انتي ؟؟

ساره جلست تنطط بمكانها وهي ماسكه الجوال / الي تبين الي تبين بلييييييييييييز قولي بسرررررررررعه

دفت وهي تنطط الكرسي الي بالشرفه وطااح وطلع صووت قوي لانه من الخشب ..

بيان تروعت مسكت قلبها / ساره صار فيك شيء

ماهتمت ساره لها / لا هذه الكرسي .. يالله قولي لي جاااااااااااااااااء ولاااااااااااااا

بيان/ ههههههههههههه وش ذا الحب صدق فيه بالحقيقه حب مو بس بالقصص ؟؟

ساره تسندت على الباب / آآه يابيان لو جربتي الحب بتعرفي انه حقيقه قلبك طااااير من الفرحه والألم بنفس الوقت .. قلبك داايم عايش حالة شوووووووووق .. تحسين انك تطيرين ماتمشين على الأرض آآه وش اوصف وش اخلي

بيان طبعا مافهمت شيء وحطت بعفويه طرف صبعها بفمها .. وش تقول هالهبله ..؟؟؟

ساره تكمل / بيان ماكنت اعرف معنى الحب الا لمــ ..

قاطعتها بيان قبل ماتكمل / بس بس قلتيها لي طول الست سنوات الي كان مسافر فيها ..(( حطت يديها على خدها وكملت بشاعريه وصوت رومانسي )) ماعرفتي الحب الا لما شفتيه بالصدفه وماصدقتي ان كل هالزين ببشر آآه وحبيتيه بس هو مايدري عنك زين اذا عرف اسمك ووو ..

قاطعته هالمره ساره بعصبيه / مالت عليك انا ماقلت زين اذا عرف اسمي نسيتي انه ولد عمي ..؟

بيان / لا مانسيت .. لكن لاتنسي انه ولد عمي واعرفه من دخل ثانووي وهو مايتعدى الكتااب والأبتسامه اختفت وصار ثقيل دم بشكل مايطااق .. وجدي بكل الأوقات .. بدون مرح بدونــ ..

ساره صرخت / بسسسسسسسسسس ياحلوه بكل عيووبه .. والحين بتقولين لي جاء السعوديه ولا بسكر ..

بيان عصبت / مالت عليك سكري يالله بااي

ساره برجاء / لا لا امزح حبي وربي احبك بس انتي ارحميني ..

بيان رفعت حاجبها وهي تنقل الجوال ليدها الثانيه / ايه تعدلي .. ومدامك عارفه ان الجواب هو انه راح يكون خلال هالدقايق بالسعوديه ليه تسألي ..؟

ساره / واااااااااااااااااي اخييييييييييييييييييييييرا ياقلبي يابيووني حسبته بيأجل رجعته .. مو هو مخلص من الأسبوع الي فات لكن يقول ولا مره شاف نيويورك طول هالست سنوات زين بسبب دراسته ويبي يشوفها ويمتع نفسه مع اغلى اصحاابه ..

بيان حطت يدها على راسها / ول ول ول .. من وين جمعتي كل هالمعلومات

ساره نزلت راسها حياا / من روووحي اسوووله

بيان / هـ هـ هـ والله مو روحك من خير .. لانك تاخذي منها معلومات وهي الغبيه ماتحس

ساره عصبت / بيانوه وبعدين خليني اروح الحين افكر وش بسوي .. من زمان ماشفته ولازم اشوفه اليوم .. بعد ما أوصل ريوومه بيت خالوو

بيان تهز راسها تتحمد / الحمدلله يااربِ الحمدلله .... المهم تدرين اذكره وانا عمري 10 سنوات كان عمره تقريبا 21 سنه وكان دايم يقايضني وانا اعصب وهو يستهزء فيني مالت عليه ماعنده رحمه مع انهم يقولو حنووووووون

ساره بصوت يشبه الصراخ / وربي حنووون بشكل ماتتصوري اسيل دايم تعلمني عن مواقفه معهم اذا اشتاقت له وتبي تتذكره .. وبعدين لاتقولين لي ماشفتيه من عمرك 10 سنوات..؟

ابتسمت بيان بسخريه / احلفي ياشيخه ؟؟ يقالك انتي شفتيه اكبر يعني هههههه تراه سافر يوم كان عمري 12 سنه يعني شيء طبيعي مااشوفه سنتين وهو مشغول بالدراسه ولاينشااف ..!!

ساره حمرت خدودها / مممم معك حق بس على الأقل انا شفته وعمري 13 بدخل 14 يعني كبيره وعرفت معنى الحب

بيان / تبين الصدق انتي ماطحتي بحبه الا من هالصور الي توريك اياهم اسوله .. هي قصدها تعرض لك صور العايله وانتي تركزين على حبيب القلـــب ..!!

\

في نفس الوقت وفي مطار الخبــر ..

كانت الطياره على أرض السعوديــه .. وكانوا الركااب ينزلون منها ..

الكل يدور اهله ويسرع يسلم عليهم ويضمهم .. ماباقي بالطياره الا أشخاص قليل بدوا ينزلون ..

نزل من على المدرج بخطوات واثقه .. خطوات مغروره .. كان رافع راسه وهو يمشي وكأنه سيــد الكل ..

لابس بنطلون جينز وبلوزه نص كم سماويه .. ونظارات تعود انه يلبسهم طول الست سنوات الماضيه سواء بالنهار او بالليل ..

مغطي شعره الأسود الناعم بقبعـــه سماويه .. وماسك بأحد يدينه شنطه دبلوماسيه تدل على انه رجل اعمال اكثر من اي شيء ثاني ..

اول مانزل من على المدرج تقدم ثلاث خطوات ووقف .. جذب الهواء له بقوووه .. وتنهد ..

من زمااان عنــك وعن هواك يا بلادي ولا أي مكان بالعالم يعوضني عنك

ابتسم أبتسامه نادر ماكان يبتسمها ايام الدراسه ..

مشى يستلم أغراضه .. ولفت انتباهه طفله تلعب بـ لعبتها .. تذكر طارق الي يوم سافر كان عمره 9 سنوات

ممم يمكن نساني ويمكن لاا ..

رجع يبتسم وأرسل بوسه بالهوا للطفله الي عمرها مايتجاوز خمس سنوات تقريباً ..

مشى في طريقــه يوم شاف ابوه بين النــاس .. أما الطفله ظلت تناظر فيــه بخدود حمراا وبأستغراب ..

ابو الطفله / شهد تعالي حبيبتي هنا لاتضيعي بهالزحمه ..

ام شهد / اقول ناصر مو كأن الرجال هذا شاعر ..؟ مممم فزااع ..؟ او محمد السهلي او شيء من هالقبيل ؟؟

ناظرها ابو شهد بأستغراب وتحولت نظرته لغضب / اقول انتوا يالحريم من تشوفوا واحد زين شبهتوه بـ هالثنين (( وقلد صوتها )) شيء من هذا القبيل (( رجع لصوته وبقووه قال )) هذا شكله لبناني ياذكيه يالله جيبي بنتك خلينا نمشي ..

\

الساعه 8 المساء /

دق جــرس باب بيت بو ثامر بأصرار وتواصل ..

غلا / بيان شوي وراجعه لاتسكري بعد دقيقه كعادتك ..

بيان متملله من سالفة غلا / اوووووف بسرعه غلا مو فاضيه توني معطله ابي احلل هاليوم ..

غلا معصبه / اوووص اقول

حطت التلفون وراحت تركض ترد على الباب

غلا وهي تلهث / مين .؟؟

جاها صوت رجولي / افتحي الباب..

غلا (( وش يبي ذا افتحي الباب مين هو ؟؟ )) رجعت تسأل / مين طيب ؟؟ افتح الباب وبس .. حلا هو؟

ساره / هههههههههه هذه اكيد غلا دفشه ماتدري من هو الرجال وتصاارخ عليه (( دفت فيصل )) شوي فيصل .. غلا افتحي هذا انا ساره بنت عمتك ياهبله .. اعلمك بعــد بعمري ولا خلاص

غلا دق قلبها يوم قالت اسم فيصل / ها ؟؟ سوير ؟؟ آم سوري ..

دقت الزر الي يفتح الباب .. ولفت ويدينها تنتفض .. وششش سويت ؟؟ وش فيني دفشه كذا وش بيقول فيصل عني الحين؟

دخلت ساره من باب الصاله وريم وراها

ساره ترفع يدها لراسها مثل الشرطه / سلااااام بنت خالوو الهبله .. لو ماعليك أمر نادي اخوك زياد لفيصل يقول من زمان ماشافه ..

غلا / هاه ؟؟ زياد ..؟

ساره تلمس جبين غلا / اسم الله عليك غلوو وش فيك اخوك زياد تعرفين زياد غيره .؟؟

دفتها غلا بدفاشه / رووحي زين شايفتني هبله مااعرف اخوي .. لحظه بشووف يمكن طالع بعد

راحت فووق .. وساره مستغربه وشفيها ..؟

نزلت ريهام تركض من الدرج ..

ريهام / هالوووووووووووووووووووو بنااااات

ابتسمت ساره لريهااام الي خذت كل شطانة اختها غلاا

باستها على خدها ولفت ريهام لريم تسلم عليها ..

ريهام / اخباارك ياشطووره مستعده لخااامس ..؟

ساره في نفسها (( يقالها كبيره هي خخخخ ))

ريم بهدوئها المعتاد / ايه الحمدلله .. انتي ياشطوره اخبارك مستعده لسادس ..؟

ماتت ضحك ساره على اختها الي طلعت ذكيه وعرفت ترد على ام لساان ريهام ..

\

الكل متجمع بالصاله والدمووع قاااايمه بالذاات أم وليد و أم محمد (( الجده )) ..

بو وليد / خلاااص يمه .. خلاص رغد لكم نص ساعه ماخلصتوا دموع ..؟

ام وليد وهي تصيح وماسكه راس ولدها / والله ماراح اشبع من الصيااح لو جلست لبكره .. ست سنين ياوليد ماتشتاق لنا وش دعوه سمعت عن ناااس درسوا عشرين سنه بس كل اجازه يزورون اهلهم

وليد وابتسامته الي مختلطه مع دموعه / يمه لو كنت كل اجازه بزوركم كان يبي لي 12 سنه على الأقل ادرس .. كل ماشديت على نفسي كل ماخلصت

ام محمد / بس ياولدي قلب امك يتقطع كل يوم .. وقلوبنا مثلها وانت تدري انك بكر ابوك اكيد بيفقدونك .. الضنا يبقى ضنا حتى لو كبر

وليد يبوس راس جدته ولا عشرين مره من وصل / ياجده وش اسوي ابي اخذ الشهاده وارجع افرحها .. والحمدلله الحين بجلس معها طول العمر لا مسافر ولا شيء ..

ام وليد رجعت تصيح زياده وكنها تذكرت شيء / وش بتجلس وانت سفراتك للشغل بتبدأ اكيد .. غير الزواااج الي ان شاء الله ماتخلص هالأجازه الا انت مكون لك بيت .. خلاص كبرت بتدخل 30 وانت اعزب ..!!

بو وليد / هههههههههه الحين وليد يتمنى انه مارجع بتبدأ تمثيليات الأمهات ههههههه

اسيل تمسح دموعها الي ماوقفت / ههههههههه توه راجع امي

وليد ضام طارق / هههههههه ولايهمك يمه بكره بخطب آمري بس ههههههه

خالد / ترى تصدق امي بكره تروح تخطب لك افضل تتراجع بقرارك هههههههه

الكل / هههههههههههههههههههههههههههه

ام وليد تمسح دموعها / ايه صدقت بكره بخطب له ..

روابي تحرك يدينها تمثل / ياسعد حظك ياخوي رجعت بشهادتك من غربتك وتلقى عروستك تنتظر اليوم الثاني

الكل / هههههههههه

خالد / بس تصدقون الغربه خففت دمه ماكانت ضحكته تبين يوم كبر

وليد خزه / بدينا نقايض من اول يوم ؟؟ ماأسرع عبرت عن شوقك

اسيل / ههههههههههه شوقه خلص من كثر ماااا ....... (( وحطت يدينها على فمها ))

وخالد مسك مخده الكنب وضربها فيها

وليد / هااا ليكون تزوجت ولاحبيت من ورانا

خالد خزه يعني اسكت وانت عارف من أحب

طارق رافع راسه وهو يناااظر في وليد ..

بو وليد / تصدقون طارق من جااء وليد ماتكلم بس يتفرس بملامح اخوه ياعمري شكله نسااه

ناظره وليد بحنانه الي افتقده طارق .. حس ان طااارق بيبكي .. فضمه بقوه وهو حاس انه هو الي بيبكي

الكل تأثر على هالمشهد .. وقفت روابي تبي تغير الجو وهي تمسح دمووعها / ولوودي حبيبي .. كنك ماسألت عن عيالي الي ماشفتهم ولا مره هاه (( وحطت يديها على خصرها وسوت انها معصبه ))

وليد ترك طارق ورفع راسه وناظر روابي والكل يضحك / ياعمري توني بسأل بس لساا ماشبعت منكم

روابي تغمز / عليييييناااااا

وليد وقف مبتسم / فكينا من حركاتك وصرقعتك الي ماتغيرت حتى يوم كبرتي وروحي جيبي نايف ونوف (( لف يناظر اسيل )) اسيل لاتصيري مثل اختك وتجيبي ثنين في ست سنوات زواج .. زين ؟

اسيل حمرت والكل قام يضحك وروابي عصبت رمته بمخدة الكنب ..

وليد تفاداها برشاقه ..

روابي / عادي ست سنوات ينااسب اجيب ثنين .. يعني لو انك متزوج يوم سافرت كان رجعت لنا بثلاثه مو ثنين (( حركت حواجبها على فوق وتحت ))

وليد / ههههههههههههه كنت بقول لأمي تدور لي على زوجه بس ذاك الوقت الكل منشغل بزواجك .. وانا معهم .. ماأبي اسافر الا انا متطمن على مستقبلك هههههه

روابي / ايه ايه ياعمري متطمن على مستقبلي وهو راح وخلاني

خالد / ههههههههههههه صادقه

ام وليد / يالله روحي جيبي عيالك روابي بس سوالف

روابي كشرت / حرام عليك يمه مشتااقه لأخوي

قرب منها وليد وباسها على راسها ناظرها بعيون سودا كبيره لامعه / وانا مشتااق لك بعد ومشتااق لكم كلكم ماأدري كيف قدرت على بعدكم

ام محمد / المهم ياولدي انك رجعت بفرحــة نجاحك وحصولك على الدكتره ..

خالد واسيل وروابي ماقدروا يمسكون نفسهم واضحكوا على جدتهم من قلب

الباقي خزوهم وقال ابو وليد / الدكتوراه يمـــــه

ام محمد خزت الي ضحكوا / المهم كلمه تدل عليها

روابي راحت تركض للدرج وهي تضحك / صادقه جدتي بروح اجيب نايف ونوف

\

بيان / ولاهمس ولاكلمه ياقليلة الأدب دقاايق وراجعه وبالنهايه ساعه الا ربع هاه

غلا / وربي نسيييييييييييييييييييت ناديت اخوي زيااد لفيصل وجلست اسولف مع ساره لانها بتروح عند اسيل تقول مشتااقه لها .. بس حبت تسلم علي وتشوف اخباري .. وقالت لي اذا خلصت ريم ادق عليها تجي تاخذها

بيان يوم سمعت طاري روحت ساره لـ أسيل راح غضبها ..

بيان / بتروح عند اسيل ؟؟ (( وبصوت واطي كلمت نفسها )) شكلها ناويه على شيء

غلا سمعت الي قالت بيان/ وش ناويه عليه

انتبهت بيان / ها؟؟ ولاشيء ولاشيء .. وانتي الحين خلصتي ولاعندك اسئله عن تهاني بعد

غلا عصبت على برود بيان / وبعدين معك من قبل الأختبارات وانا اترجااك تحاولين تاخذين من اختك ضي شيء عن سالفة تهاني وانتي مافيك فايده ؟؟

بيان/ انتي هبله اساسا .. ولا ليه تشكين في تهاني مثل هالشك .. يمكن كتبت ذاك الكلام بالمذكرات كذا بس زينه ..

غلا تطنز عليها وهي تقلد صوتها / زينه ...... اقول انطمي بس .. لو انك تسمعين كلامي وتستخرجين كلام وأخبار كان حليتي مشكلتي بس انا الغلطانه مضيعه وقتي يالله باااي..

بيان / والله اختي ضي واعرفها ماراح تعلمني بشيء فيه اسرار لصديقاتها .. ويالله بااي مابغيتي ههههههه

سكرت غلا من صدقها متضاايقه ..

ناظرت بيان السماعه .. وش فيها ؟؟ يعني معقوله تهاني تسوي الي كتبته بمذكراتها ؟؟

مممممممممم ياااربِ انا لي اشغل بالي واعرف ان غلا خبله وتظن بأي شيء يخطر ببالها

مسكت جوالها ودقت على (( تتحدوني في حبها ..؟ ))

جاها صوت نايم ..

/ ا .. الو..وو

بيان / صباح الليل على اكبر دبة نوم بالعالم العربي كله

بصوت كله نوم / نعم وش تبين

بيان / ينعم بحالي يارب ابيك تجيني بكره ياقلبي انتي وعبير فقـــط ابي انفرد فيكم من زمان عنكم ..

ببلاهتها المعهوده وهي نايمه / هاه ؟؟

بيان بصرااخ يقوم الي نومه ثقيييل / شيمااااااااااااااااااااااااااااااااااااااااااااااا ااااااااااااااااااااااااااااااااء

شيماء نطت من سريرها بخوف / بسم الله من ماات ..

عصبت بيان .. ياناااااااااااااس شسوي في هالهبله ..

بيان / مامات احد قلبوووو .. بس شكلي بموت احد في بالــي ..

\

وقفت السياره عند بيت بو وليــد ..

ناظرت في البيت وقلبها يدق بقوه .. لفت تناظر اخوها الي نام من اول ماركب السيااره .. ياااربي وش اسوي في هالدب ..

اقومه من النوم في البيت .. ينام بالسيااره .. ناظرت السواق / اقبال .. عطني علبة المويه الي حاطها انت قدام للسياره

نزل اقبال يده يدور عليها .. وقالها / في يبي صغير ولا كبير ؟

يوووووه ياليت من يقتله / يعني وش رايك بقدر اشيل الكبيره ؟؟ عطني الصغيره

عطاها اياه .. وخذتها وفكت الغطاااء وصبت بيدها شويه مويه ورشته على اخوها ..

فتح عيونه متفاجىء بخوووف / وجع سوووووووير ماتعرفي تتكلمي

ساره ببرود / لأني عارفه انه مافي فايده لو اصارخ من اليوم لبكره .. (( لفت تناظر البيت )) يالله وصلنا

فارس / اوووووووووف .. قلت لك ماأبي اجي فيني النوم وفي نفس الوقت ماأحب طارق كثير يسوي نفسه اكبر مني ..

ساره عصبت عليه / يعني اجي مع السواق لحالي ..؟

فارس يمسح المويه عن وجه / لا كان ماخليتي فيصل ينزلك البيت قلتي له لو سمحت ودني بيت عمي ماارح يعاارض ..

ياويل حالي على هالأخو .. مايدري ان هو عذري الي خلاني اجي هنا

ساره تدفه ينزل / يالله لانتأخر .. ماكنت قررت اجي الا يوم مشى فيصل .. يالله انزل

نزل فارس معصب .. ودقوا الجرس وفتحت لهم الخداامه ..

ساره / وين اسيل ميري..؟

ميري / كلووو في يجلس في صاله

ناظرت ساره باب الصاله وانتفضت .. يالفششششششله متجمعين وانا اخرب جمعتهم ممممممم وش اسوي مممممم

ناظرتها ميري بنظرات أستغراب / مافي يدخل ماما ؟؟

ساره انتبهت لنفسها / هاه ؟؟ الا بس نادي اسيل قولي لها ساره برى ..

ميري / تيب

بعد دقيقتين طلت اسيل من باب الصاله تصرخ لساره / سوووووووووووووووير تعالي عادي مافيه غريـــــب

يووووووووه هالمرجوجه بتفضحني .. ماحست الا بفاارس يدفها من ورى

فارس / يالله تحركي وش فيك خايفه ولا جايبتني اناظر بالحديقه كأن ماعندنا حديقه بالبيت

ساره خزته / انطم

راحت لأسيل وسلمت عليها .. اسيل / ادخلي حيااك سلمي على ابوي وجدتي .. ووليد توه جااي سلمي عليه وربي تغير اخوي صاار يجنن خخخخخ اسوي دعايات له

لو تدرين ان مالي حاجه للدعايات .. بدون شيء أحبـــــــــه ..!!

جرتها أسيل من ذراعها ودخلتها داخل ..

دخلــــــــــت وكل شـــيء بالنسبه لها توقــف .. كل نبــض فيها توقف .. الأوكسجين توقف ماصار يوصل لها ..

بس طاحت عيــنها بعـــيون .. قليل عليها أســـــم " عـــذاب "

\

الساعه 4 العصــر اليوم الــي بعــده /

كانت مستــعده لأستقبـــال أغلى صديقتين عندها ..

مسويه حوووسه بالمطبخ .. وطلبااتها كثيــره على أخوانها ..

رمى الأغراض على طاولة المطبخ وهو معصــب / خلصت طلباتك يا آنسه بيان ؟؟

بيان وهي تفتش بالأغراض / مانسيت شيء من الي قلت لك ؟؟

هز راسه مثل الهندي / لا ماما .... الحين ورى ماتقولي للسواق يعني جايبينه زينه للحياه الدنيا ؟؟

بيان تناظر أخوها بدلع / افاا ميشوو تخيل أنــــا اطلب من السواق واخوي بعد قلبي موجود

ماكملت جملتها الا حمد داخل مبتسم / وهــذا باسكن روبنز وصـــل

مشاري يناظر حمد مستهزء / احســك موصل لباسكن روبنز .. ماتجيب غيره

حمد يصلح كلام مشاري / قصدك عااشق لباسكن روبنز ..

بيان / يابعد عمري اخوي .. تعلم مشاري .. شوف جاب الأغرااض وهو مبتسم

عصب مشاري وتوه بيمسكها تخبت ورى حمد ..

حمد / هههههههههههه كل شيء ولا بي بي

مشاري / مالت عليها العصله قبل شوي تدلع علي والحين تعايرني .. والمشكله اني جبت لها كل الطلبات ..وانت باسكن بس (( وكش عليها ))

دقــ الجرس قبل ماترد بيــان وراحت تركض تفتح الباب وهي تضحك

حمد يناظر مشاري وهو مبتسم / يا أخي دلع أختك بكره تتزوجك تشتاق لها

تسند مشاري على الطاوله ورسم بسمة أستهزاء على فمه / شكلي ماراح أتزوج وشباب العايله كلهم أكبر مني وعـــزاب..!!

\

ضمــــــت شيماء بقوه لدرجه فقدت تنفسها ..

عبير دفت شيماء وبيان / بس بس وجع دوووري ولا والله ثم والله ثم والله لأرجع

بيان لفت لها وضمتها بقوه أكبر / اوف اوف اوف كل هالحلوف علشاني ضميتها .. طيب اذا ماخنقتك ..

عبير بالموت تتكلم / آآآه خلااص خلاااا ص بيااااا ن ..

شيما / هههههههههههه أحســــــــــــــــــن

\

تكتب وتكتب وتكتب .. أبد ماملت من كتـــابه الخواطــر ..

آآآه ياقلبي .. ودي أصرخ حبيبــــــي رجـــــــع ..

بس حســـافه هو بالخبــر وانا بالريـــاض .. رمت القلم وقامت تغــير الشريط بالأستريو ..

حطت شريط عبدالمجيـــد عبدالله الفنان المفضــل عندها ..

وكانت اغنيته (( الزيــن يفرض نفســه )) ..

رقصــت على أنغامها وكأنها ماسكه حبيبـــها ..

(( والغالــي اصله غالــي .. والزين يفرض نفسه ..

الغالي أصلــه غالــي .. والزين يفرض نفسه ..

أصلاً انا مجنونك .. ريح نظيـــــر عيونك ..

أطمن ياحبيبي .. مافيهم يشبــهونك .. مافيهم يشبــهونك

أنت حبيبي الجلســه .. بدر الغرام وشمســه ..

والغــالي اصله غالي .. الزيــن يفرض نفســه

أنت الجمال وتــاجه .. وأنـــت القمــر وسراجه

وانت الذي محتاجــه .. ياحاجتـــي لــعيونك

حبــك .. حبــك هـواي العذري .. حظــي .. سعـادة عمري

ادري حبيــبي ادري .. أني حبيب عيـــونك .... ))

سكــتت الأغنيــه فجأه لفت شافــت بنت أختــها شـالت الســلك ..

عصبــت عليها / رنــدا ؟؟؟ ليه تشيليه ..؟

رندا خافت / آثـفه خالتي .. بث تيته تبيــث ..

ياااربي وقــتك يا أمي ..؟

ناظرت بنت أختها وأشرت بيدها يعني أطلعي / خلااص قولي لها جايه بعد شوي ..

لفت رندا وطلــعت ..

ياااااااربــي متى أتزوج حبيبــي وأرجـع الخبـــر ..!!

اوووووووف بس شكله مو حــاس فيني .. لا .. مره قالي انتي بتصيري زوجتي .. وهو ماقالها مزح ..

ماقـــالها مزح ..

أبتسمت على كلماتها وسكرت مذكراتها .. وتوجهت لسريرها .. طلعت من تحت سريرها صندوق فتـحته وطلعت صوره ..

حطتها عند عيونها .. كنــت صغــيره وهو يدري انه بتصــرفاته علقني فيــه .. هو يتحمل مسؤليــه تصرفاته ..

بــاست الصوره ورجعتها .. قامت وسكرت اللمبات بعدها سكـــرت الباب .. و " أحــلامها " تكبــر ..

\

بيــان / خلاااص اسيــلوه من دخلتي علينا وانتي تسبيني .. قلت لك انتي فرحاانه بأخوك يعني كيف اناديك ..

عبير / هههههههههههههههه قصدك تسبينا مو بس انتي سبتك ..

شيماء / المشكله ان حنا بنروح الحين البيــت وهي توها تفضى تهاوشنا ..

اسيــل واقفه عند تسريحة بيان وتحوس بالأغراض / لا بسبكم لو كنتوا بالشارع .. يعني الله ياخذ بليسك بيانوه بنات عمك ماتقولين لنا .. تعرفين اننا طفشانين مثلك .. على الأقل انا بس ..

ابتسمت بيان بتطنز / يعني انتي غيـــر لو عزمتك بعزم الكل وانا ابي انفرد بعبير وشيماء .. لأني داريه اني بشوفكم 24 ساعه بالعطله

أسيل لفت لها بقوتها / مالت عليك توك تدرين اني غــير ..؟ انا كنتــي ماتحبين احد غيري بس معليــش يجي منك أكثــر ..

عبير / خخخخخخخخ هدو هدو يابنات ..

بيان / اسيلووه اعترفي انتي جايه تاخذين من ضي شيء مو جايه لي صح ولا ..؟

اسيل خزتها على جنب / ايه جايه اخذ من ضي دي في دي وأنصدمت يوم قالت شويم وبع بع سهرانين عندك

شيماء / اسمـــــي شيمــاء

عبير / وأسمي عبير .. لو سمحتي لا تشوهي اسمي

أسيل / أنطمــوا

بيان تناظرالساعه / تو الساعه عشر اجلسي يالله معنى

حطت أسيل يديها على خصرها/ نعم نعم نعم .. لا يأختي انا بنت ابوي ماأجي بدون عزيمه وبعدين اخوي خالد مسكين ينتظرني .. والخوات بيروحون الحين

بيان / اول شيء بيت عمك هذا مايحتاج عزيمه .. ثاني شيء اخوك خالد جالس مع أخوي حمد مثل ماقلتي اول ماجيتي .. ثالث شيء مو على كيفهم يروحوا الحين

شيماء / لا ياقلبي اخوي محمد بالطريق جااي

عبير / وانا اخوي عبدالله بالطريق بعد ..

اسيل انتبهت / الا صح عبير متى زواج اخوك

عبير تكلمت بحمااس / بعد شهر تقريبا ترى كلكم معزومين

شيماء / احس العرس عرسها هي بس تكذب علينا خخخخخخخخخخ

بيان / صادقه خخخخخخخ كفك شيمااء (( ضربت كفها وكملت )) بس صدقت انه عرس اخوها يوم شفت البلوتوث الي لما الحين حاطته ..

شيماء / لما يجيب أخوها عياال وهي بتظل حاطته ههههههههه

عبير ماعطتهم وجه / ماعليك منهم ترى العرس عرسكم من الحين يعني استعدوا له ..

أسيل / هههههههههه طيب .. انا بحظر عرس اخوك وانتي وشيووم تعالوا عزيمة اخوي وليد ابوي سواله عزيمه بمناسبة رجوعه .. بمزرعتنا

بيان يوم سمعت اسم وليد تذكرت ساره .. اكيد امس راحت لهم .. كان ودها تسأل أسيــل عنها بس خافت لاتشك اسيــل ففضلت تسكت وتسأل ساره بكره وش سوت ..

بيان / الا صح اسيل متى العزيمه ..؟

أسيل تفكر / مممممم تقريبا بعد 4 يام ..

وقفت بيان من الصدمه / يوووووووه تو الناس لسا ماتجهزنا وانتوا بتعزموا كل الي تعرفوا

ناظرتها اسيل من غير اهتمام / ايه عادي يكفي اربع ايام .. وشيء طبيعي ابوي يعزم ناس كثيييييره كثييره بعد .. لأنه فرحان بأخوي وبنفس الوقت يبي الكل يدري برجوعه (( وبأبتسامه خبيثه )) ولا تبين تتكشخين علشان تنخطبين ..

ضربت بيان أسيل على راسها ..

شيماء وعبير / ههههههههههههههههه

فتحت ضي باب غرفة بيان وطلت براسها ..

ضي / ياجماعه ترى اخو شيماء على الباب .. وخالد يقولك انزلي بسرعه اسيــل .. لأنه طلع برى عند السياره ..

قامت أسيل وشيماء ووقفت بيان / يوووووووووووه مابعد أشبع أجلسوا شوي

أسيل / لاتدخليني بالكلام .. قصدك ماشبعتي من شيمااء

بيان تكشها / مالت عليك حتى انتي ماشبعت منك ..

أسيل / ايه صدقت ..

وقفوا يسلمون على بعض .. وعطت ضي أسيل الشريط الي تبيه ..

ضي / سلمي اسيل على عموو ومرت عمي اوكي .. وانتي شيماء سلمي على لجين وماماتك ..

شيماء / اوكي قلبي ..

أسيل / يوووصل ..

ضي / اوصلكم للباب ..؟

أسيل / لا وش دعوه .. أنا اوصل شيووم اجلسي انتي مع عبير بتروح الحين ..

طلعوا وسكروا الباب ..

تو أسيل وشيماء بينزلون .. الا فجأه طاحت أغراض شيماء من شطنتها ..

شيماء / يوووووووه نسيت لاأسكر شنطتي ..

جات اسيل بتساعدها .. شيماء / لااا اسيل مايحتااج روحي لأخوك لايعصب بجمعهم وبنزل ..

أسيل / اوكي اجل اشووفك على خير .. بتصل عليك اعزمك خصيصا انتي والوالده ولجين على عزيمة اخوي ..

أبتسمت شيماء وهي تسلم على أسيل / ان شاء الله قلبي ..

راحت أسيل ووقفت شيماء وهي تسكر شنطتها ..

نزلت من الدرج تخطر درجتين بعادتها المرحه ..

وتوها بتطلع من باب الدرج الي يطلع على الصاله الا صدمــــــت بشيء ..

آآآي ياربي وش سالفتي اليووووووووووووم ..

كانت بتطيح الا مسكها احد بقوووه من كتوفها وطاحت شيلتها من قوة المســـكه من راسها للأرض ..

جاها صوت متوتر من الخوف عليها / تأذيتي أختـــي ؟؟

رفعت شيماء عيونها بخووف / آآ ...

ماتت الكلمات بلسانها يوم أستوعبت الصوت .. صوت حمد أخو بيان الي وصلها ..

فكت نفسها من يدينه بسررعة البرق .. وخذت شيلتها من على الأرض وغطت راسها وهي تركض لباب الصاله ..

أختـــفت من عيــونه ..

لكنــه ظل مركز بعيونه على الباب الي طلعت منه بدون مايــحس ..

رفع يدينه وضمهم مع بعض عند فمه .. وهمس بصوت شبه مسموع (( هذه ميـــــــــن ..؟ ))

\

\

نهايــة الجزء الثــالث ..

تفصلــهم أربع أيام عن العزيــمه الي بتجمــع كل العايله .. معقوله بتمــر مثل أي يوم أو فيه أحادث بتصير فيها ..؟

هسترة الصبايا

>> الجــزء الرابــع <<

تقلبت في سريرها الواسع بمـلل .. مو عارفه ليه مش راضي يروح وجهه عن تفكيرها ..

ردة فعله قبل امس توضح شعوره تجاهها .. يعتبرها بنت عمه وبــس .. وهي طول أمس تفكر فيه وتحلل حركاته وتصرفاته ..

وش جاها ..؟؟ ليه تحبه اساسا وهو ماكان قريب منها كثير وهي صغيره ..؟ ماقال شيء يخليها تحبه أصلاً ..

الحــب كذا .. يجي فجأه من غير سبب ولا وش السالفه ..؟

مسكت راسها بيديها بقووووووه .. تبي الأفكار تهدأ براسها .. ماتبي تفكر أكثــر من الي فكرت فيه أمس ..

طول عمرها تعصب بسرعه .. بس مو مثل الحيــن .. الحيــن ودها تاخذ قلبها وتفصله عن جسمها .. بس المهم مايدق بقوه اذا شاف وليــد..!

رجعت بذاكرتها لقبــل أمس اول ماطاحت عيونها بعيونه ..!!

\

أسيـل / ادخلي وش فيك واقفه ..؟

بو وليـد / هلا والله ببنتي ساره تفضــلي حيااك ..

ساره ارتبكت / هـ هلا عمي الله يحييك .. آسفه أزعجتكم بس .. (( مسكت فارس من كتــفه )) فارس طفـش وقال يبي يشووف طارق

فتح فارس عيونه على آآآآخر شيء وهو يناظرها .. وصاار يشبه فهد وهو مفتح عيونه كذا .. ضربته ساره بكوعها .. يعني ألعب الدور

أم وليـد / وش دعوه ساره ..؟ تزعجينا والبيت بيت عمك .. حيااك ادخلي مع أسيـل وهذا طارق طفشان بعد يونسه فارس ..

طارق خز أمه .. وقال في نفسه (( من قال طفشاان وأخوي ماشبعت منــه ..؟ فاضي لهالبزر ))

ساره أبتسمت ودخلــت داخل الصاله عندهم علشان تسلم على جدتها وعمها وزوجة عمها .. بعدها سلمت على روابي وباست نايف ..

لفت تدور نوف .. شافتها عند خالها وليــد .. طاحت عينها بعينـه شافته مبتسـم لها .. واااااااي وليــد يبتسم ..؟ أخيــراً

يااربِ كيــف أستحلى وش ذا القمـــر ..؟

سمعت صوته المميــز الي ابد ماراح تنســاه / أخبارك ساره ؟ وأخبار عمي ومرت عمي ؟ وفهد وفيصل من زمان ماكلمتهم وش مسوين ؟

روابي برجتها كالعاده / بشوي شوي على البنت كلتها اسأله خخخخ

حاولت ساره تبتسم .. وليــد يكلمها .. بس ماقدرت من النفضــه الي في كل جسمها ..

ساره بصوت متقطع خافت / الحمـ ـدلله كلهـم يـ يـسلمون عليـ ـك

وليد رد وهو يلعب نوف / الله يسلمهم .. يبــه انا بمر على عمامي وبســلم عليهم واحد واحد

أم محمد / عمامك وعيالهم كانوا يبون يجون المطار مع ابوك .. بعدين قالوا جو عائلي مانبي نخربه

ابو وليد / ايوا والله متقطع قلبهم عليــك

وليـد واصل ابتسـامته الي الظاهر صارت جزء منه من اول مارجع لأهله ولوطنه / وانا قلبي متقطع عليهم بقوم أريح علشان بكره اروح وأسلم عليهم بنفسي .. هذا واجبــي ..!!

\

أنتبهت من أفكارها على صوت الجوال .. شافت الشاشه وردت وهي تحاول تبتسم ..

ساره / هلا والله .. أنا قايله انتي ساحره .. تتصلين بوقتــك ..!!

جاها صوت بيان المرح / هههههههههه أدري من كنتي تفكرين فيه بهالوقت ..؟

رفعت ساره ساعتها تناظرها / يووووووه توني قايمه والساعه 2 الظهر .. ؟ نايمه من الساعه 12 بالليل ..؟

بيان / هههههههههه النوم غدااار

ساره بأستهزاء / أحلفي ياشيخـه ؟ البحر غدار مو النوم

بيان / مايهم .. المهم من كنتي تفكري فيه ..؟

ساره / آآه يابياان قطعتي علي وأنا أفكر كيف قام وسلم على الكل وحتى نظره ماعطاني .. جلست أسيل تسولف وأنا ماسمعت ولاشيء تقوله .. بالنهايه قالت لي فيك شيء .. قلت لا بس لاني مانمت .. ياااربي ماادري أحس أسيــل ماصدقت ..!!

بيان مافهمت شيء / هيه هيه .. قولي لي من أول مو تجيـبـي لي آخر السالفه .. أخلصي كلــي أذان صاغيـــه ..!!!!

\

كـان صوت الزفــه عالي بغرفتها .. وماسكه ورده بيدها .. وحاطه شرشف أبيــض على راسها على أنه الشرعـه ..

ترقص بهدووء مع خيــال حبيبها كـ العاده .. فتحت أمها الباب معصبه ..

أمها / وبعدين يعني أزعجتي الكل بهالزفــه ..؟ من صدقتس تتخيلي هذه زفتــتس ..؟ شكلتس بتعنسي بتسبدي ..!!

لفت وهي ترمي الورده معصبه على أمها / يمــــــه ..!! وش فيكم تقطعوا علــي أحلامي ..؟ اول شيء رندووه بنت بنتك والحين أنتي ..؟

أمها / أقول ...... أعقلي وشيــلي من راستس فكرة الزواج من رجال بالخبــر بتتزوجي من الرياض فاهمه ..؟

ردت على أمها بعنااد / زواج من غير الي في بالي ماراح أتزوج .. وأنتي تعرفين ان اصلي من الخبر .. ليه أخذ من الرياض ؟ بس علشان امي من الرياض يعني ..

أبتسمت أمها بأستهزاء وبقسوه معروفه بطبعها / أقول لاتنسي الي صار لزوجة أخوتس لأنها خذت واحد بعيد عن عايلتها .. شوفي الحيــن عايشــه بعذاب بيت اهلها .. لو أن اهلها كانوا قراب منها كان على الأقل ساعدوها قبل مايفوت الفوت ..

ردت بملل / اوووف يمه .. هي من أول عايشه بعذااب عند أهلها .. وهم ماعطونا اياها الا لأنهم مايحبونها ولاكان مازوجوها من أخوي وهم عارفيـن عن أخوي .. وو (( سكتت تناظر أمها )) وعنك ..

امها عصبت/ اقول بلا عني ولا عنتس .. وبستس خرابيط .. والي في بالتس زيــن الزيون يعني انتي ناظري المرايه وخذي على قدتس ..

سكرت الباب بقوه .. وبنتها تتألم من كلماتها الســم الي رمتها .. ليـه تحسسها دايم انها شيــنه ..؟ طيب انا طالعه على أهل أمي يعني هي الملامه مو انا ..!!

راح قدام المرايه وتفحصت شكلها ..كانت ضعيــفه أكثر من اللازم .. سمــراء وشعرها خفيف قصير تحت أذنها .. متموج مصبوغ أحمــر .. عيونها صغار .. وفمها ملياان .. لااااا هي مو شيــنه بالعكس حلوووووه ومملوحه .. ايه يمكن شعري انا خربته بهاللون بس أقدر ارجعه ..

أبتسـمت وبانت ملامح القساوه ..

الشيء الي ماتعرفه انها قاسيــه مثل أمها ... ويمكـن أكثـــــــر ..!!!!!

\

ســاعه وهي تشتكي لها .. بس هي وش بيدهــا ..؟ تتمنى تساعدها .. بس ماتقدر لأنه ولد عمها مو أخوها تمون عليه وتعلمه عن حبها له ..

بيان / خلااص ساره وش اسوي ياعمري .. تراك قطعتي قلبي وانتي ماتدرين ..

ساره / بيااان خليني أشكي خليني .. أنا حاسه اني بفقده .. حاسه انه يحب غيري .. انه بيتزوج غيري ..

بيان / ساره هو مايدري انك تحبينه كيف تبينه يخطبك ويتزوجك ؟؟ لازم نقول لأسيل علشان تلمح له

ساره كانت جالسه على السرير ووقفت مفزوعه / بيااااااااااانووووووووو لاتتهوري ويخطر ببالك تقولي لها ؟؟؟

بيان أستغربت / أجل كيف تبينه يحـس انك تحبيه ..؟

ساره رجعت تجلس على السرير وبصوت هادي / من قلبـــــــــه ..!!

\

نزلــت من الدرج وهي تدندن على أغنية يارا صدفـه .. ناظـرت بالصاله مالقت أحد من أهلها .. ولاسمعت صوت أحد منهم ..

ناظرت الساعه لقتها ثلاث ونص .. قريبه الساعه 2 كان الكل موجود ع الغداء ؟؟

راحت للمطبخ تشرب مويه الا سمعت صوت احد يركض جاي للمطبخ .. لفت تناااظر لقتها ريهام جايه تفحط ..

ريهام تقلد أصوات التفحيط / دننننننننننننن هووووووووووووووووع ..

غلا / الحمدلله ياربِ ما أنتي بنت .. ولــــد ..!

ريهام مسكت كاس وصبت لنفسها مويه / ايه الكل يقول طالعه عليـك .. (( ناظرتها على جنب بعدها شربت المويه ))

غلا خزتها .. ياليييييييييل صدق ام الساان .. أبتسمت .. ههههههه طالعه علي ..

راحت غلا لعند الباب بتطلع مالها خلق هوووشه او شيء ثاني .. بس وقفت ولفت لريهام الي تصب لنفسها كاس مويه ثاني ..

غلا / ريهام وين أهلي راحوا ؟؟

ريهام نزلت الكاس من يدها ولفت لأختها / راحوا يتمشوون .. ريان وتهاني يقولون طفش وامي قالت لأبوي يطلعهم ..

غلا رفعت حاجب / وأنتــي ..

ريهام تمر من جنبها / انا جالسه اتابع شريط عطتني اياه ريم لازم اشوفه اليوم وأرجعه لها علشان تعطيني ثاني ..

غلا / مو لله اجل ترجعيه

ريهام رجعت لخبالها وراحت للدرج تفحط / نوووووووووووو .. بس علشاان أخذ ثاااااني ..

يالله لك الحمد أختي ولد طبيعي مافيها طبع الأنوثه والحيااء خخخخخ مثلي وأنا صغيره ..

راحت فوق وتوجهت لغرفتها بعدها وقفت تفكر .. ممممم يمكن زياد بغرفته الحين ؟؟ اليووم أجازه عنده ماراح الدواام ..

راحت ودقت الباب .. جاها صوت عصبــي كالعاده ..

/ مييييييين ؟؟؟

غلا / أنا زيااد ممكن أدخل ..؟

زياد / تفضلي ..

دخلت غلاا ناظرت زياد على الكمبيوتر الشخصي يطقطق على الكيبورد .. لف يناظرها بوجه خالي من الأبتسامه ..

أنتفضت غلاا .. طول عمرها تخاف من زياد ولاتقرب غرفته .. وش الي خلاها تدخل غرفته الحين ؟؟

زياد بصوته الجدي / تبين شيء ؟؟

يااربِ حتى مايجاامل ويقول كيف حالك ياأختي ؟؟

غلا تلعثمت / هـ ؟ لا ماأبي شيء بس الكل طالع مافيه الا ريهام على الفديو .. قلت بما ان اليوم أجازه لك اسوولف معك شوي من زمان عنك ..!

زياد رفع حاجب / ليه شايفتني بنت تسولفي معها ؟؟ اطلعي وسكري الباب .. وروحي أتصلي على أحد من بنات عمتك ولاصديقاتك ..

تجمعت دموع غلا بعيونها .. هذا هو أخوي الكبيــر ..؟ من تزوج ثامر فقدنا جـو الأخو الكبير ومزاحـه ..!

لفت كأنها مو مهتمه .. طول عمرها كانـت تخبي خفة دمها ومقالبها وهبالها عن زياد .. لان دوومه يعصب .. ومزاجه يتغير بدقيقه ..

بس يضحك فجأه يرجع يــعبس ..

طلعت من غرفته بدون ماتناظره .. مرت قدام غرفة تهاني .. أبتسمت لنفسها بأستهزاء ..

(( بـــــس أكيد .. ماأكرهه مثل ماتكرهــه تهــاني ...!! ))

\

واقف عند التسريحه يمشط شعره الأسود الكثيــف .. بعدها لبس غترته ..

وجلس يتكشخ .. لازم يسرع لأنه بيسلم على كل عمامه .. أمس خذاه يوم راحه بس اليوم لازم يسوي واجبــه ..

ناظر نفسه وأبتسامته الي حالفه ماتفارقه من أول ماوصل وطنــه مرسومه على وجهه ..

الثــوب يبــين من تحته عضلاته .. الي طلـعت نتيجة التمارين اليوميه بـ نيويورك ..

تعطــر وبعدها راح لسريره وجلس على الطــرف طلـع من الدرج السفلي هديــه مغلفــه ..

جـاب للكل هدايا .. وبيوزعهم يوم العزيمــه .. لكن هالهديــه يبي يسلمها ليــد صاحبتها بنفسه .,! مايبي أحد غيره يسلمها لها ..

رفـع راسه .. مو متأكد من مشاعره لحد الحيــن وهذه مشكلــته الوحيده ..!

يمـكن لأن عمره وصــل 30 تقريبــاً .. وراحت أيام المراهقه ..! بس الحب مايتغير ..

غمض عيونه وهو ينزل راسه .. بس الصراحه زينه ..! ماكنت أحبها .. بس مايــل لها .. يعني اذا تزوجتها يمكن اقدر احبها ..

أبتسم ........ هذا اذا كان فيــه شيء أسمه حب بهالحياه .. ولا بس بالقصص الخرافيه ..!!

\

تمشي بشوي شوي .. كأنها تـــوم وهو يراقب جيري .. ناظرت غرفة النوم .. شافته يلبــس ثوبــه ..

الظاهر بيرووح بيت عمي علشان يسلم على وليد معهم .. أبتسمت بمكــر ..

طيب ياميتوو ..!! أن ماطلعت الشيــب براسك ماأكون انا روابي ..

شافته دخل دورة الميااه وبسررررررررررعه رهيبــه دخلت بدولاابه وهي تمسك قارورة مويه باااارده بيدها اليمين ..

سكرت باب الدولاب .. ووقفت عنـد غترته الي متأكده انه بيلبسها .. تسمع خطواتــه بالغرفــه .. يااااحبي له .. بس ماأقدر اقاوم حمااس المقالب ..!

دق جواله .. وسمعته يرد ..

متعب / يالله انك تحييه وتبقيــه ..

فهـد / الله يحييك يارب .. وش اخبارك شمسوي ..؟

متعب / بخير جعلك بخير .. انت أخبارك وأخبار الأهل والوالده ..

فهد / كلهم بخيــر جالسين ينتظرونك الحيــن وليـد بيوصل عجــل شوي ..

متعب / جاي .. مسافة الطريق وأنا عندكم ..

فهد / يالله اجل ننتظرك .. فمان الله ..

متعب / الله معك ..

حط جواله على السرير ومشـى بيفتح دولابــه ياخذ غترته .. بس وقــف شوي .. حط أذنــه بباب الدولاب ..

وسمــع صوت أحد يتنــفس بسرعه .. أبتسم وهو يرجع ياخذ جواله .. روابي هذه ماراح تعقل من رجتها حتى لو صارت جده ..!!

طيب يامرجوجه .. تحسبني ماأعرف حركاتها .. خمس سنوات من خذتها وهي كل يومين مقلب ..

رفع جواله عند أذنه وأبتسم وهو يقول / هلااااااا بحبي هلا بدنيــــتي كلها يازين ذا الصوت والله ..

أفتحت روابي فمها وعيونها .. مو مصــدقه هذا زوجها ..؟ الي مايــعرف لشيء أسمه رومانسيــه ..؟ جااالـ .. جالـس .. يـ يـ ..

ماكملت تفكيرها الا تسمعه يرد على الي معه ..

متعب / زوجتي ؟؟ لاااااا أتركيها عنك .. تلقينها جالسه بالمطبخ تقشر بصل ههههههههههههههههههه

>> جاب العيــد ^_^

ومن غير ماتنــتظر فـكـت الدولااااب بقوووووووووووووه كانت بتكسره ..

بس توها بتنزل منه الا حســت بيدين متعب ينتظرونها شالها بسرعه على كتفـه.. كأنها عصفــور مالها وزن ..!!

ورماها على كنــب غرفــتهم .. رفعت وجهها المحمر من المفاجأه .. وشافته يناظرها بخبث وأبتســامه مرسومه على فمه بسخريه ..

متعب / أحلى مافيـــك أنك تقشرين بصــل بدولاب الغرفــه ..!!

روابي حاولت توقف وهي معصبه .. لأنه فاجأها بحركته .. طول عمرها ماأحد يكتشف مقالبها وش صار الحين ..؟

رجعها للكنب بحركه من يده وجلس جنبها ومسك ذقـنها بيده .. وخلاها تناظر بعيونه ..

روابي / يـ يـ يعني البنت الي تكلمها كــذب ..؟

متعب / لا حقيقه ..! بس نسيــتها ع الخط لحظه اجيــب الجوال تسمعين صوتها ..

روابي بعصبيه جات بتقوم / أقشــر بصل أجل ,..؟

متعب رجع جلسها / فديييييييييييت البــصل أنا ..

روابي فتحت عيونها لآخر شيء وش جاه رومانسي اليوم ..؟ / الحين انت من متى تعرف للرومانسيه ..؟

قام مارد عليها وجــاب جواله وجلس جنبها / يالله بحطه ع السبيـكر أسمعي صوتها ..

ناظرت روابي بالجوال مو مصــدقه ..

سمعت أغنية أحمد حسين (( حركاتك ))

(( نظراتك .. حركاتك .. همساتك .. لمساتك .. خلوني ارفع إيديه واقول اني انهزمت ..

وبقولها بشوق عينيه .. وبقووووووولها ........... فـ حبك أنا اتغلبت ......

بعيون حلوه وبريئه .. ترسم أحلام جريئه .. بشوفها معك حقيقه .. وأيدك تحضن أيديه ..

الحب معك عرفتوو .. وحنان الدنيا عشتوو .. وحنان الدنيا عشتوو ..

والشووق بعينك شفتوو .. ذا الشوووق سهر عينيه ..

انا وانت روحنا وحده .. والدنيا علينا شاهده .. ))

ضغط بأصبعه على إيقاف .. وناظرها نظرااات حـــب ..

روابي بهمس / مممم لا اليوم متأكده انك شاارب من كأس الحب .. ولا تبي تراضيني على تقشيــر البصــل ..

قالتها من غير ماتكشــر او تعصبــ .. تحبــــــــــــــه .. تحبــه أكثـــر من روحها ..

حتى لو مايـــعرف للرومانسيه .. يكفي يحااااول ..

أبتسم متعب وخذ المويه الي متمسكه فيها بقوه من يدها ..

متعب / تدرين ودي أسحب على أخــوك ..!!

روابي قامت بسرررعه وبأنفعال حركت يدينها بمعنى لا / لااااا لا تفشلني مع أهلك وش بيقولون .. قايل لأخوك مساافة الطريق وأنا عندك ..

قرب منها وهو يفتح غطاا قارورة المويه وبحنيــه قالها / وأنتــــــي ..؟؟

روابي تناظر بيده الي تفتح الغطاا / انا وش فيني ..؟

متعب / لاتسوين نفسك بريئه ..

أبتسمت وهي تناظره / انا لاحق علي حبـي ..

مسكت القاروره تبي تاخذها لأنها حست انه بيسوي شيء .. الرومانسيه ماراح تنزل عليه كذاا ..

بس هو سحبها من يدها بسرعه .. طلــعت منها شهقه .. وبــدون ماتحــس لقت نفسها متسبحه بالمويه الباارده

متعب وهو ياخذ غترته وجواله وبســرعه باسها على خدها وقال وهو يطلع من الباب ويضحك / من حفــر حفره لحبيـبه وقـ.. كمليها ياحلوووه ..

يااااااااااااااااربِ خدعني بهالرومانسيه .. !!! كانت معصبــه وباقي شوي تركض وراه وتقتله .. بس تراجعت وهي تناظر نفسها في المراايه حالتها حاله ..

بس لفت أنتباهها عيونها الامعه وخدودها المحمره .. آآآه ياقلبي .. هذا مايمســى (( حالــة حــبــ ..!! ))

\

هــو هنــا في بيــتهم ..!! وهي بغرفتها .. وش ذا الحــظ .. لازم اطلــع أشوفــه .. عاادي ولد عمــي ..!!

كانت تحااول تشجع نفسها أنها تطلــع بس الظاهر مافيــه فـايده كل جسمها يرتجــف ..

ياااربِ انا ليــه رميت نفسي بهالحاله ..؟ ليــــه أحب اساسا .. أظن نفسي بأوروبا أقدر أحب واتزوج .. حنا هنا مافيــه شيء اسمه حب ..

بس زواااااااج .. أفهمي ياساااره ..

دمعت عيونهااا .. ياربِ .. ياربِ ..خلني انساه .. خلني أستوعب انه بس ولد عمي لاأكثــر ولاأقل ..!!

انسدحت على سريرها وقررت تناظر فلم في ام بي سي توو علشاان تنسى شوي .. بس على طووول سكرت التلفزيون وهي تتأفف ,..

ياليييييييل وش تحب بياان بهالأجااانب ..؟

\

بعد ســاعه ..

كانت بيان مندمجــه على فلــم .. مو حاســه بنفسها ..

مسحت دموعها يوم أنتهى الفلم .. حراااام البطلــه ماتت .. ليـــــه ؟؟؟

فلم بااااااااايخ .. قامت بعصبيه وطلعت شريط الدي في دي .. ورمته بقووه مع الأشرطه بأهماال .. ماتحب هالنهايات الحزيــنه ..

تحب ان البطل يتزوج البطله وخلااص تنتهي السالفه .. مو تموت او هو يموت ..

مع أنها ماتــصدق بشيء موجود أسمه (( حــب )) تعتبره بالأفلام والقصص فقط ..

لكن بالحقيقه ..!!!

أبتسمت بأستهزاء وهي تتخيل شكلها تغني مع حبيبها مثل الأفلام الهنديه ..

هههههههههههههههههههه ضحكت بقوووه مع نفسها كأنها خبله ..

وماحست الا بأحد يدق الباب .. حطت يديها على فمها وخدودها كعادتها حمرووو بسرررعه .. فشيييله شكل أحد سمع ضحكتي ..

أفتحت الباب وشافت ضي تناظرها بأستغرااب ..

بيان / وش فيــك تناظريني كـذا ..؟

ضي / مع ميــن تضحكي ..؟

حمرت خدودها أكثر وتلعثمت وهي ترد على أختها / لا مو مع أحد بس كذاا .. تخيلت ان عندنا بالسعوديه حب مثل الهنووود .. نرقص مع حبيبنا بالملاهي هههههه

ضي فتحت عيونها أكثر .. وقربت تلمس حرارة بيان / الظاهر هذه هلوست الحراره فيك حراره صدق ..

دفت بيان يد ضي بقوه وهي معصبــه / رووحي زين قال ايه هلوسه .. ياأختي حتى التفكير حراام ..؟

سكرت غرفتها من وراها .. ومرت بسرعه من غيــر ماتحس ضي .. رايحه للدرج تنزل درجتين درجتين .. وهي تغني أغنيه من أغاني مسااري .. لأنها تموت على صوته ..

ضي أستوعبت ان بياان نزلت وقالت بخووف / بيان وييييييييييين ؟؟

بيان ماهتمت لها ونزلت من درج الجهه الثانيه / برووح أشرب مويه ..

أختفت من عيوون ضي الي لساا ماتحركت مو قادره تسوي شيء .. ماتدري وش الي مسكها ..

ضي بصوت خاايف / بس ... بس .. وليــد تحت ..!!

قالتها وهي عارفه ان ماأحد يسمعها .. مشكلتها ماتحركت وصرخت علشان تسمع بيان .. شيء خلاها تسكت ..

\

توجهت على طول للمطبخ وهي مازالت تغني أغنية مسااري ((real love ))

شافت الخداامه تسوي قهوه وشاهي وأستغربت ..

بيان / لمين هذا ريكا ..؟

ريكا / مافي معلوم بابا حمد في كلاام سوي ..

كشرت .. شكل احد عندنا .. ليكووون عمووو بو وليد .. أبتسمت بونااسه غير طبيعيه .. تموووت بعمها هذااا ..

راحت تركض تدور على اهلها بالفله الكبيــره .. راحت للصاله الثانيه جهة الحديــقه ..

كانت مسويه قرنين .. ولاابسه بنطلون برمودا مع بلوزه علااقي ورديه .. طالعه كأنها بنت بالرووضه مع وجهها الطفولي ..

طلت بالصاله ماشافت أحد .. يوووه وينهم ..؟ يمكن بالمجلس الكبيــر ..؟ او المجلس الثاني من الجهه الثانيه .. تكيسلت انها تدورهم ,, يمكن مو عمي الي عندهم ..!!

فتحت باب الحديــقه بترووح شوي تاخذ هوى بالحديقه أحسن من تجلس دايم بغرفتها ..

بهاللحظه نزلت ضي من الدرج بشوي شوي بعد ماحست بعمرها .. وأنها لاازم تتحرك .. طلت بالصاله .. يؤ ؟؟ غريبه كانوا موجودين بالصاله ؟؟

وين راحوا ..؟

بيان بس طلعت للحديقه على طول توجهت لحوض الورود .. هي الي تسقيه كل يوم .. واااو رووعه الورود عند الغرووووب ..

ضحكت يوم شافت عصفوور نازل يشرب من الصنبور الي ينقط مويه ..

كلمته بصوت عالي (( وش تسوي ياقموووور هالوقت ؟؟ يالله رووح نووووم بسررعه بيظلم الوقــت ))

ناظرها العصفور بعد ماشرب مويه .. وهي تناظره مبتسمه .. بعدها راحت تركض تبي تطيره .,. خلااص المفرووض يرووح يناااام ..

شكلها كان مرره كيووت وطفوولي .. بس طاار العصفور رفعت راسها ومدت يديها تدور على نفسها وهي تضحك ..

حست بأحد يناظرها لفت تشوف مين .. وشافت شخــص طويــل يناظرها بأستغراب وهو رافع حااجب ..

مــاعرفت شتسوي غيــر أنها تركض بسرررررررعه وتدخل الصاله وتسكر الباب وراها بقووووووووه عجيبه ..كل البيت سمع صووت الباب ..!!

حست الدمووع تجمعت بعيونها وقامت تسيل على خدودها .. ياااربِ مين هذا ؟؟ حطيت يديها على خدودها الي صاروا ساخنين من الفشيله ..

وش ذا الفشيله ؟؟ بهاللبس وهالشكل في شخص غريــب شافني ؟؟

شافت أختها ضي جايه تركض لها .. ضي / بيووووووونه وش فيك ؟؟ وش في وجهك كذا محمر ؟؟ من شفتي ؟؟

كانت ضي تطرح اسئله وكأنها تعرف أجابتها .. ماردت عليها بياان وراحت تركض للمصعد ودخلته وضغطت على الدور الثاني بقوووه ..

ضي مستغربه ؟؟ وش صاار يعني ؟؟ يمكن شافها بس مو لدرجه يصير وجهها كذا ؟؟

راحت لمجلس الحريــم .. شكل أمها جالسه هنــاك .. شافتها تتقهوى .. وجلست معها تســولف ..

\

بالحديقه نادى حمد على وليــد ..

حمد / وليـــد تعال بسررعه لقيــت مكان الصندوووق ..

تحرك وليــد بخطووات واثــقه وهو مازال يفكــر بالطفـله الي شافها قبل شوي .. معقووله عمي عنده بنت صغيــره ..؟ أذكر ان أصغر وحده بياان وهي الحين يمكن بالـ 20 ان ماخاب ظني !!

وقــف وليــد عند حمد ومشاري وسطام وعــمه .,. يناظر للمكان الي يأشر عليه حمد ..

وليد يبتسم / متأكد ياحمد انه المكاان نفسه .. ماشاء الله الحديقه أكبــر بكثير من يوم أروح للخارج ..

بو حمد / ههههههه ايه دخلنا عليها أرضنا الي كانت فااضيه علشان نقدر نزرع كل شيء .. خابر مرت عمك تحب الزرااعه في البيــت ..

سطام / ايه والله مره اقترحت على أبوي نسكن بمزرعتنا ونخـلي البيت نزوره ايام العطل

وليــد / أجل انقلبت الأدوار

الكل / هههههههههههههههه

مشاري / يالله أجل وليــد خذ لك شيء من أغرااض الزراعه وأحفر هالمكاان وتشووف الصندووق الي دفنته انت وحمد من 15 سنه

بو حمد / مشاء الله تدفنون من ورانا وتوكم تقولون لنا .؟

وليـد / ههههههههه ياعمي كان عمرنا وقتها 14 سنــه وحبينا نسوي مغامره ..

حمد يهز حواجبـه / بس كانت فكرتك ياعبقرينوو صح ..

وليد / ههههههههههه للحين تذكر لقبي ..

حمد / وأحـــد ينســـــاه ..؟؟؟!

\

اليــوم الي بعده الساعه 5 المســاء /

مـاتبي تفكــر بالي صاار أمــس .. يوم قالت لضــي قامت تضحـك عليها ولاأهتمت .. قالت لها انه ولد عمها " وليـــد " وهالمواقف تصير لكل النــاس ,.؟

بس هي أول مره تصيــر لها .. يااااربِ فشيــله وش بيقول عنها ؟؟ اكيد بيقول انها متعمده ..

رجعت دموعها تتجمع بعيونها .. ياليتني اقدر اقول لسااره بس أعرفها بدال ماتهديني بتعصب علي لأني شفت حبيب القلب ..!!

تسندت على مخدتها .. وهي تفكــر بملامح وجهه .. كل الي لمحته انه طويـل وأبيـض وعيونه كباار .. وحواجبه مرفوعيــن بغرور وتهكم ..

باقي ملامحه ماقدرت تشوفهم لأنها على طووول دخلت الصاله .. لكن هو أكيــد شبع منها .. شكله من زماان جالس يناظر فيها ..

اوووووووف وانا وش ذنبــي ؟؟ هذا بيتنا وشيء طبيعي اروح لأي مكان فيه .. بدون ما أستأذن من أحد او اشوف اذا كان فيه أحد ؟؟

خلااص ماأبي افكر زيااده طول أمس جالسه أفكر .. لاازم اليوم أروح السووق أشتري ملاابس للعزومه وللعطله بنفس الوقت .. لازم أجدد

قامت من على السرير وطلعت من غرفتها وتوجهت غرفة جدتها .. من زمااااااان ماسولفت معها ..!!

دقت الباب وسمعت جدتها تقول لها تدخل ..

دخلت وسكرت الباب وراها .. وبسررعه جنونيه رمت نفسها بحضن جدتها الي جالسه على السرير تقرا قراان ..

ضمتها جدتها بيدها وحبت القراان الي كان بيدها اليمين وحطته ورجعت تضم بياان وهي تبتسم لها / أخباار دلوعتي اليوم

بيان بدلع / مشتااااااااااقه لك مووووووووووت مامي ..

ام محمد / يابعد عمري انتي .. ياجعلي اشووفك عرووس قولي آآمين

كشرت بياان .. وش جااب طاري العرس ؟؟

بيان رجعت لدلعها / ماااااااامي وش عرووسه ؟؟ توني صغيرونه بالعاايله بناات أكبر مني يصلحون للزواج ..

قرصت ام محمد خدها بشوي شوي / لا ابيــك انتي تتزوجي قبل ابي افـرح فيــك مو ضاامنه الحيااه يابنتي ..

بياان بخوف / اسم الله عليك يمه .. ان شاء الله يومي قبل يومك

ام محمد ضمتها أكثـر / هههههههههه بسم الله .. توك شباب انا كبرت وانا أمك .. ماللعمر مامضى .. وكل شيء من قضااء الله وقدره

بياان ابتعدت عن جدتها وجلست قبالها / ليه تقولين هالكلام يمه ..؟ توك ماكبرتي ومثل ماقلتي قضااء الله وقدره يعني مايهم العمر ..؟

ام محمد تهز راسها وتبسم / أكيد وانا امــك مايهم العمر .. بس مايمنع اني افرح فيك عروس صح ؟؟

بيان رجعت لمرحها / خلااص ولايهمك اكلم ابوي يخطب لي اليوم ههههههه

ام محمد / ههههههههههههههههه يالشيطونه تتطنـزي ..؟

\

مندمجه في برناامج بأم بي سي .. أسمه الملائكه الصغاار .. ماحســت بالي جالسه تناظرها من وراها ..

سمعت باب الصاله يفتح ويدخل فيــصل .. بس تعجبت يوم شافته تسمر بمكانه وينااظر وراها بأستغرااب ..!!

لفت تناظر وراها وشهقــت من الصدمه .. وقفــت بسرعه وهي تشووف مرام ماسكه شعرها على شكل ذيل حصاان .. ولابسه تنوره سوداا وبلوزه نص كم خضرااء .. كانت أبتسامتها أكثــر شيء جذبها .. مو مصــدقه هي بحلم ولا بعلــم ..!!

فيصــل هو الي تحرك وسكر باب الصاله ومشى بخطوات سريعه لمرام .. ومن غير أي كلمه ضمها بقوه لصدره ..

ماتحملت ساره هالمشهد .. وعلى طول بكت .. الدمووع هالأيام قريبه من عيونها بشكل غريــب .. وكأنها تبي تتعود على ذرف الدموع داايم ..

راحت جنب فيصل ومراام ..

وشافت دمعتين بعيون فيصل سالو على خده ..

بعـد فيصل مرام عنه شوي وبصووت كله حنان / ماتتصوري كيــف فرحتي بهاللحظه يوم شفــتك حسيــت كل الدنيا أبتسمت لي ..

مرام بصوت ناعم وسط دموعها / ياعمـري ياخوي والله مشتااقه لكم بشكل ماتتصوروه سامحوني .. الله يخليكم سامحوني عذبتكم معاااي ..

ماحتملت ساره كلامها وخذتها وضمتها بقوووه ..

ساره / انتــي سامحينا يامرام كل الي صاار لك بسببنا حنا ماقدرنا نسوي شيء ..

مرام تضم ساره بقوه أكثــر / لاتقولي كذا ساره .. الله يخليك لاتقول كذا .. خلااص قررت انسى .. كلماتك نبهتني ان الي جالسه اسويه أكبــر غلط بحياااتي .. لازم ما أجزع من رحمة الله .. لازم اعيـش حياتي وأحترم الي يحبوني ..

فيصل ماقدر يحتمل هالموقف / خلاااص ترى الحين انا الي بطيح وبصيح عليكم

ساره ومرام يمسحوا دموعهم وهم يبعدوا عن بعض / هههههههههههههه

ساره / أجل خلااص فيــصل الحيــن برووح عزوومة عمي وأنا كل سعادة الدنيا بقلبي .. لأن أختي بتروح معي

أبتسمت مرام / تقصدين رجعة ولد عمي وليـد ؟؟

فيصل رجع لطبع المزح فيـه / اوووووووف اثـرك جالسه تتسمعين علينا طول هالأيام ؟؟

مرام أبتسمت / هههههه لا بس صووتكم وااضح لدرجه أعرف كل الي صاار بهالثلاث شهور ..

نزلت ساره راسها يوم تذكرت ان مرام مسكره على نفسها ثلاث شهور .. أنتبهت لها مرام ..

مرام / ساره انا قلت بنسى .. بس بشــرط تنسون ..!!!!!

فيصل قرص سااره بقووه وهو يمزح / بـــس خلااص ماصدقنا على الله صاحبة السمو ترهف على حالنا .. ترجعين تذكرينها ..

ساره تمسح على مكان قرصته / آآآي ماذكرتها ياأخي أعبر عن شعوري

فيصل / تكفيييييييين ..

بهاللحظه دخلت أم متعب .. لفوا كلهم يناظرونها مبسوطيـن ..

ساره تكلمت بحمااس / يمـــــه وش رايك بالمفاجأه ؟؟

أبتسم فيصل وهو يناظر مرام تتقدم من أمها وبعيونها دمووع ..

مرام / يمــه أشتقت لك .. سامحيني يايمه ..

ناظرتها أم متعب بنظراات غريبــه / أسامحك ؟؟ ليــه وانتي وش سويتي ؟؟ بس فشلتينا بالنااس الي قاموا يودون ويجيبون بالكلام .. وفشلتينا بأهله ..!! وخليتي حيااة أخوانك عذااب وهم يفكروون فيــك .. جحدتي كل شيء سويناه لك .. وماهمك الا نفسـك ..!!

مرام ماقدرت تستحمل أنهارت وكانت بتطيح لو أن فيصل ما جاها يركض ومسكها وناظر أمه بعصبيه / يمه الله يهديك هذا وقتـه ؟؟ البنت تو ربي هاديها وعرفت انها غلطانه وان كل شيء صاار قضااء وقـدر وبدال ماتضمينها تعاتبينها ؟؟

ساره مسكت مرام / مرام قومي غرفتي ..

ام متعب / أضمها ؟؟ حنا ماعندنا دلع لبناات كباار .. الي قدها روابي وحلاا متزوجين ومستقرين وهي ...

ماقدرت تكمل لأن بو متعب دخل بهالوقت وهو ينااظر بمرام بأستغرااب ..

مرام عايشــه بعذااب بداخلها .. حتى يوم حاولــت تنبسط شوي وتنسى ماقدرت الدنيا حالفه ماتضحك لها من هي صغيــره ..

بو متعب / مرام ؟؟

ماردت عليه مرام .. كل الي سوته فكت نفسها من فيصل وساره وراحت تركض .. ترجع لغرفتها .. لسجنــها .. للي يقدرها ويعرف مقداار حزنها ..!!

\

رجعت غرفتها وهي تناظر السااعه .. يوووه الحيــن الفلم ابتدأ .. فلــم رعب تنتظره من ذااك الأسبــوع ..

قفلت الباب وراها وراحت تركض تشغل التلفزيون وحطته على mbc2 الحمدلله تو الفلم الي قبله ينتهي ..

أبتسمت يكفيها تجهز جوو الرعب .. توجهت لثلاجتها الي بغرفتها .. ممممم مافيه مويــه نسيــت لأجيب امس .. خذت بيبسي .. وجالكسي ومارس وتويكس وكل انواع الشوكليت الي تعشقه الموجود بالثلاجه ..

بعدها راحت لدولاب أفتحته وطلعت بطاطسات ليز وبرينجز وحلويات ..وحطتهم كلهم على السرير ..

خذت جوالها وحطته على الصامت .. بعدها تأكدت ان الغرفه مقفلــه .. وسكــرت اللمبات .. وااااااااو جو ولاأحلى ..

انسدحت على بطنها تناظر الفلم الي بدأ من اول مانسدحت وكأنه ينتظرها .. وفتحت البيبسي وحطته على عمود السرير .. وبدأت تفتح البطاطسات ..

\

طلع من المصــعد يصفــر .. ويناظر جواله .. اليــوم شبك بنتيــن مع بعــض ..

أحلــى شيء الثقــه بالنفس لاصرت واثقـ الكل يبيك .. أبتسم لنفسه بأنتصاار ..

وتوه بيدخل المفتااح بباب غرفته الا سمع أصواات عاليه جايه من غرفة بياان ..

توجه لها .. وهو يناظر ساعته .. الحيـن اكيد بدأ فلم الرعب الي غاثـتنا عليه من أيام الأختبارات ..

حط أذنه بالباب وهو يبتسم على خباال أخته .. وعشقها لأفلام الرعب .. يحس ان البيـت بدونها ولاشيء .. يمكن لأنها الصغيره ..

أو لأن طبعها حلوو .. هباال على حيااء على حنان على شقااوه .. أبتسم وهو يفكر .. وعلى طفوووله ..

دق الباب بالقوه علشان تسمع .. جاه صوتها الطفولي يدل على التمرد / ميــــن ماأبي ازعااج بلييز ..

رد عليها بصووت عالي علشان تسمع / هذا أنا .. مو متصله علي وقايله لي تبين تروحين السوق اليوم مع بنات عمك .. وتبيني أوديك علشان تكشخين فيني ..

بيان بملل / مشاري مررره أنت واثــق .. مو علشاان أكشخ فيك بس لاازم معنا رجاال نخااف لحالنا الكل يقول مشغوول .. الساعه 9 لما ينتهي الفلم بتشوفني واقفه عند باب سيارتك ..

أبتسم بأستهزاء / ان شاء الله عمـتي الساعه 9 بتشوفيني بالسياره .. يالله سلاام ..

راح لغرفته وفتحها ودخل وقفل الباب وراه ..رمى غترته بفوضويه على السرير .. مو مرتـب مثل حمد وسطاام هو عكسهم بكل شيء ..

هم كل همهم الشغل ويميزهم هدوئهم .. هو كل همه البنات .. ويميزه رجته .. آآه يمكن لأني آخر ولد .. رجع يبتسم لنفسـه ..

طلع من ثوبــه ورقـه .. ناظر فيها بمكـر .. طـيب .. طيــب اصبري علي ان ماشبكتك ماأكون أنا مشااري ولد أبوي ..

ماعندي شيء أسمــه تحدي انا ..!!

رمى الورقـه على السرير وراح يغير ثوبــه يلبس بدلــه وحاط في باله ان يسوي شيء .. وماراح يتراجع عنـه ..

\

\

نهــاية الجزء الرابــع ..

هسترة الصبايا

>> الجـــزء الخامــس <<

\

نزل من سيـارته بخطوات واســعه متوجه للبحــر ..

ماسكـر حتى باب سيارته من حالة التفكير الي هو فيها ..

وقف قريـب من البحر ورفع رجله اليمين يسندها على حجر .. حط أحد يدينه على ركبته الي رافعها الحجر .. ويده الثانيه مررها بشعره .. كان شكله " هيبــه " طويل وعريض ولابس بنطلون جنز يبين رشاقته وبلوزه سوداء نص كم بينت جسمه الريااضي ..

مروا عليه بناات متلثمات وكل وحده تناظره من فوقه لتحته .. خزهم على جنب .. ماهو ناقص بالسوق يفتك منهم ويجونه هنا ..

ماهتم فيهم وكمل تفكيـره .. بيدخل الـ 30 سنه ولسا ماتزوج .. ولاازم يتحرك ويخطبها قبل ماأحد يخطبها .. البنت حلوه وهي صغيره كيف الحيــن ..؟!

صديق عمره ولد عمه وليـد ورجع .. وش ينتظر بعد ؟ لازم يطلع نفسه من الي هو فيـه .. الكل يظنـه غامض وجدي بكل الأوقات .. وهو السبب الي خلاهم يقولو عنه كذا .. يمكن لو تزوج ترجع البسمه لوجهه .. وبيان تغــير حياته .. رفع راسه يناظر السمااء .. وسمع وحده من البنات تكلم الي معها ..

بدلع ومياااعه / يااااربي وش ذا الطول وش ذا الزين .. بنات عمركم شفتوا شاب ثقيل مثل كذا .. تراني خقييييييييييييييييييييييت

البنات / ههههههههههه على هووووونك ..

التفت عليهم ومشى بجرأه تجاهم .. البنات قاموا يناظرونه مستغربين وش فيه جاي لهم ؟؟؟

وقف قباال البنت الي تكلمت .. مباشره وعيونه بعيوونها .. كان رافع حاجب ونظرته حااده مثل الصقر ..

مايفصله عنها الا خطوه وحده بس ..!!

فهد بغرور / يحق لي اصير ثقيل .. وأنا أشوف البنات هم الي دايم ورااي .. (( ناظرها من فووق لتحت )) بس ماأنتي من النووع الي يعجبني .. نصيحتي لك روحي السووق وتنقي الي يناسبك ..

أبتسم بأستهزاء زادت من جااذبيته .. ولف راايح لسياارته البي ام دبليو ..

شــب وجه البنت نااار وماكان لها وجه حتى تلتفت وتناظر صاحباتها الي سكتووووو وشكلهم ماصاروا يتنفسوا بعد ..

رفعت راسها وتكلمت بصوت عالي والدموع بعيونها / مابعد انولد الي ماتعجبه هيفااء بنت خالد الـ ,,, .. مابعد أنولــد ..!!

سمعها فهد وهو يركب السيااره .. وقبل مايسكر الباب قال بصوت أعلى وبكل ثقه / الي ماتطوليه بيدينك وصليه برجولك يابنت خالد ..

سكر الباب ومشى وهو مو مهتم .. ماعطاها حتى نظره .. لأن هالتهديدات ماتمشي معه .. ماهددوه الرجال تهدده بنت ..!!

هيفاء بسرعه / رناا خذي رقم سياارته .. بسرررررررررعه ..

رنا / طيب ..

حفظت رنا رقم سياارته وهو ماشي بعدها طلعت جوالها وأكتبته علشان ماتنسااه ..

رنا وهي تكتب / 444 ف ه د .. هذا شكله كاتب أسمه الأخ ..!!

وحده من البناات / شكله بطرااان ياهيفاء .. لايهمك كلامه ..

هيفااء تناظر مكان سيارته / بطران مو بطران مايهمني .. المهم أنتقم منه .. مغرور حقيـر .. أنا بنت الوزير آخر عمري يحاكيني واحد كذا ؟؟

/

(( جــــــــــــاهـــــــــــزهــ )) ..

هالكلمه هزت البيت هز من قوووة الصرخه ..

سمعت فوووق باب ينفتح و أحد طلع منه يركض لعند الدرج .. وبنفس الوقت أنفتح باب ثااني وطلع أحد منه متوجه للدرج ..

مشااري بصووت عالي وهو واقف عند الدرج / وجــع يوجع العدو ان شاء الله .. بيــان ماتعرفي تدقي باب غرفتي وتقوليها بهدووء ..؟

ضي من وراه وبصووت يدل انها خافت / وش صاااير ..؟ وش فيها ..؟

بياان تكتفت .. وردت عليهم بدلع / وش اسوي الساعه 9 و 15 دقيقه وانا لي ربع ساعه واقفه عند السيااره .. وش يرجعني فووق ..

مشااري عصب / لو أن جدتي ولا امي وابوي بالبيت ماكان خافوا الحين ؟؟

بيان طقت برجلها الأرض بدلع / ياااربي وقت محااضرات مشااري .. أدري ان اهلي مو موجودين بس انت وضي .. يلااااااااا تأخرناااا أنزلوا ..

ضي رجعت غرفتها وهي تتحلطم / ياليييل هذا نتيجة الدلع .. في النهايه بتقتلنا ذي ..

مشاري / يالله ضي البسي عبااتك بلبس ثووبي واخذ مفتااح السياره وجايكم تحت ..

ضي / أن شاء الله ..

\

جلــس على الكرسي بالعيااده تعبااان .. اليووم مصدع من كثــر الشغل ..

ناظر ساعته لقاها الساعه 9 وربع .. يالله الحين بيرووح الشركه وبيحصل شغل أكثــر .. مايرتااح أبد كل عمره بهالشغل ..

مرر يدينه بشــعره .. و رفع رااسه وهو يسنده على ظهر الكرسي .. جلس يتذكر ويرسم عيونها وملامحها بخياله .. يحس أنها ساحره ..!! مره شافها وعشقها كذا ..؟

لاازم أسأل بيان عنها .. أكيد بتعرفها .. بس فشيله كيف أوصفها لها ..؟ بتظن اني متعمد أناظر فيها ..!!

نبهه من تفكيره صوت دق على الباب ..

رد / تفضــل ..

دخلت ممرضه مبتسمه / مساء الخير دكتور حمد .. آسفه على الأزعاج ..

وقف حمد / مسااء النور .. لا عادي مافيه أزعاج .. تبــين شيء ؟

الممرضه بتردد (( ياااربي وش أقول الحين ..؟ أقوله اني أشتقت له لأني ماشفته اليووم .. لاحوول والله الورطه )) / ..

حمد / نرس حيااه ؟؟ وين سرحتي ؟

حياه / أ .. دكتور ماأدري وش أقولك بس .. بس (( جاء على بالها شيء وعلى طول قالته )) ودي انك تنقلني من القسـم الي أنا فيــه لهالقسم ..

حمد أستغرب / ليه نرس ..؟ فيه أحد مضايقك .. ؟

حياه (( لا بس ابي قربك )) .. / لا مو علشان كذا .. الدكتور خالد مايقصر .. لكن ودي أجي هالقسم علشانه أقل ممرضات وودي أشتغل أكثر ماأحب اجلس كذاا ملل ..

أبتسم حمد .. وقلب حيااه قام يدق طبووول (( واااااااي يجننن يهبل .. شخصيته حلووه .. كل شيء فيه حلوو ))

حمد / وليه ماتقولي لدكتور خالد .. ولاتستحي ..

نزلت حيااه راسها / هههه مثل ماقلت أستحي منه أخاف يظن اني متضاايقه من قسمه ..

حمد / خلااص أعتبري نفسك منقوله من بكره ..

حيااه وقفت وأبتسامتها ماليه وجهها / تسلم دكتور .. الله يخليك لنا .. يالله أخليك الحين (( ودي أجلس معك طول العمر بس وش نسوي نخااف تتضايق )) ..

حمد / الله معك .. وأي شيء تبينه لاتترددي تقوليه ..

هزت حيااه راسها وطلعت .. أما الدكتــور وقف علشان يروووح شركة ابوووه وراه عمل هناك ..

كان يمشي ويلم أغراضه لكن بــاله وفكره مع البنت الي صدم فيها ...!!

\

بمجمع الـظهران مول .. (( بالجلسات )) ..

سااره معصبه كعادتها / يااااااااااربي وين اسيلووه تأخرت .. يعني نجلس ننتظرها الآنسه لما تشرف .. خلونا نتسوق ..!

ضي / أنتظري اتصلت عليها .. هذا هي جايه بالطريق ..

تهاني / طيب خلونا ندخل على الأقل محل الشــنط باخذ لي شنطه ..

بيان /يعني تاخذي شنطه وانتي ماتعرفي لوون البدله الي الي بتلبسي ..

تهاني / لا مو شنطه للعزومه .. شنطه ابيها للسوق ..

مشااري وهو يجلس جنب ضي / قصروا صوتكن .. صدق البناات ماينعطن وجه ..

غلا برجتها وهي تنااظر البناات الي بناظرون في مشااري / من قدك ياولد عمي صااير كأنك عارض الأزياء البنات يناظرون فيك ..

مشاري بغرور رافع خشمه / أسكتي وحده مسكتني تقولي انت عادل محمد ..؟ قلت لها ليه شايفتني شيـن لهالدرجه .. طاح وجهها مسكينه ..

بيان عصبت .. لأن عادل محمود مطربها المفضل بعد راشد الماجد / لااااااااا كل شيء ولاعادل محمود ..

ضي / والله صادقه يامشااري .. الكل يقول انك تشبهه حتى أبوي ..

مشاري يعدل شماغه / عاد هذا مشكلتكم .. بالنسبه لي انا احلى بكثيير .. (( قالها وهو يناظر من طرف عينه البنات الي جالسين جنب طاولتهم ))

وحده من البنات بنعومه وجرأه / أحلى بكثير ياعمري ..

بيان شهقت ولفت وراها تناظر بالبنت معصبه ..

ساره وهي معصبه بعد / صدق بنات مايستحوون .. ماتربوا عدل ..

مشاري وقف بطووله / وش عليكم منهن أنتن ؟ بروح اجيب لي كوفي أحد يبي ..

بيان / أنااا .. جيــب لــ ..

قاطعها مشاري / آيس موكا أعرف ..

البنات / ههههههههههههه

بيان رمشت بدلع / يابعد حيي خيوو دارسني درس ..

مشاري / هههههههههه اووص بس .. وأنتن بنات وش تبـن ؟؟

ضي / الحين أسيل بتجي وبنبدأ نتسوق لاتجيب لنا شي ..

مشاري / اوكيك ..

راح مشااري وجلسوا البناات يسوولفوا ينتظروا العله على قولتهم أسيل تشرف ..

بيان كانت جالسه وظهرها للمحلات .. وقبالها ضي وتهاني .. وجنبها على اليمين ساره .. وعلى اليساار غلاا ..

ضي / وأخيييييييييرا وصلت العروووس ..

لفوا البناات يناظروا أسيل وهي جايه تمشي عندهم مثل ماوصفوا لها ..

غلا وهي تضرب تهاني بكووعها / بنااااات تهاني .. واااااااااي شوووفوا الرجال الي وراها عذااااااااااااب ..

كانت تتكلم بشكل هستيري .. أول مره غلا تمدح برجااال ..

ناظروا تهاني وضي وساره ورا أسيل يبون يشوفون الي تقول عنه ..

وبياان لفت تنااظر معهم ..

ضي وتهااني / واااااااااو ..

تهاني / عذااب صدق ..

ضي / هذا من وين طااالع ؟؟ هذا سعودي ..

غلاا / وش رايكم ياهبلاات ..

بيان التفت لهم / اووووووص اووووص فضحتونا من متى تهتموا انتوا لجمال الرجال غير الي بالتلفزيون ..

غلا / غبيييه انتي هذا عذاااب ماتفهمي معنى عذااب ..

التفت على ساره تبي تتحمد على ضي وتهاني وغلا .. بس أسكتك يوم شافت عيون ساره من البرقع .. كانت عيونها تلمع وشكلها معصبه على البناات من قلب ..

شافت بيان .. بعيون ساره نووع من الغيره .. ولاشعورياً التفت على أسيل مره ثانيه ..

وحطت يديها على فمها تمنع شهقه تطلع منها .. مثل ماتوقعت .. أسيل مسكت يد الرجاال وهي تأشر عليهم .. يعني انها لقتهم ..

عرفت الحين وين شافت هالعيوون فيــه ..!!!

ضي وهي تشهق / يااااااحسره طلع يعرف أسيل ..

غلا بغباء مو مصدقه / هاااه من هذاا ؟؟

تهاني / بلا غبااء انتي وياها .. أكيد هذا وليــد ..

التفت بيان بسرعه على ساره ..

ودق قلبـــين بقوووه بهاللحظه .. دقوا بشكل سريع ..

لكن كل قلب دقاته لها معنى غير ..

قلب ساره .. شووق .. حب .. عشق .. هياام ..

قلب بيان .. خووف .. وفشله .. تذكرت ذااك اليوم .. بسرعه نزلت الغطااء على عيونها .. ماتدري ليه سوت كذا .. لكن ماتبي وليد يعرفها فشييييييله .. فيها أمل انه ظنها وحده ثاانيه .. ملامحها تغيرت ويمكن ماعرفها ..

قربت أسيــل منهم ورفعت يدها تسلم / السلااام عليــكم .. سوووري أدري تأخرت .. قبل ماتقولون .. لكن بالموت حصلت أحد يوديني .. الله يخلي لي خيوو وليد بدأت منفعته ..

وليد مبتسم على كلام أخته .. تكلم بصوته الرجولي / السلام عليكم .. أخباركم بنات عمي ؟

البنااات أرتبكوا من صوووته .. غصب عنهم يرتبكوا ..

وكأن عبدالمجيد عبدالله مسوي أغنية (( هيبــة ملك )) خصيصاً لــه ..

(( لأن لطلتك هيبــه كما هيبة ملك .. أنا في حضرتك ماأملك الا أرتبك )) ..

البنات ردوا بهمس / وعليكم السلام ..

لكن غلا كيف تقدر تمسك دفاشتها وجرأتها / مو كلنا بناات عمك أنا وأختي بنات خال بنات عمك ..

البنات طاح وجههم من هالعله الي معهم ..

وليد مسك ضحكته / لااا أجل بنت خالهم .. تشرفت بمعرفتك ..

تهاني ضربت غلا بكوعها بقوووه ..

غلا / آآآآآآي وجع تهانوه أنا وش قلت ..

نزلت تهاني راسها من الفشله .. هالبنت خبله فوق اللازم ..

وليد / أجل وين مشاري .. هو ماجابكم ..؟

ضي / الا بس راح يجيب له كوفي ..

وليد / ايه طيب .. ياخوفي راح يدور له على حب جديد أعرف ولد عمي ماتغير لما الحين ..

أكتموا البنات ضحكتهم .. أما أسيل وغلاا ماتوا ضحك ..

مشاري من ورا وليد / لا ادور على حب جديد اجل ..

وليد / ههههههه وأنا صادق .. اجل تخلي البناان لحالهم كذا ؟؟

مشاري وهو يسلم على وليد بالخد لأن يدينه ماسكه الكوفي والموكا/ ياخووي المجمع زحمه ماأحدن بماكلهم ..

لف مشاري على بيان / بياان هذا الموكا ..

ياااربي مشااري لازم تقول أسمي يعني .. خذته منه بيد مرتجفه ..

غلا / الحين بيان وساره وش سالفتكم أختفى لساانكم .؟

خزت ساره غلا يعني أنطمي ..

أسيل / يالله بنااات قوموا نتسوق تأخرنا كثير ..

قاموا البناات وبيان ناظرت وليد من تحت الغطاا الي على عيونها شافته يناظر فيها .. يوووووووه ياااربي ليكون عرفني ..

قلبها خلااص وصل حده شكله بيووقف ..

مشاري مستغرب / وش ذا الغطاء بيان (( بأستهزاء )) يالبى قلب أختي تطوعت ..

ماردت عليه بياان تخااف وليد سمعها ذااك اليوم ويعرف صوتها لو تكلمت .. مشت مع البناات .. والبنات مثل مشاري مستغربين .. وش سالفتها ..؟

/

جالسه تغســل الصحوون وهي مبرطمــه .. وطبلون العصبيه واااصل لآآخر شيء ..

دخلت أختها لجين عليها / شيمااااااااء فيه بنت على التلفون تبيــك ..

شيماء وواصل حدها بتذبح اي احد يكلمها / أووووووووووص ولا كلمه ولك عين بعد تحاكيني ياقليلة الحياا ياعلـــه ياحمااااااره ..

لجين تروعت / يوووه بسم الله وش فيك انتي .. ماقلت شيء .. هذا جزااي اقولك ان فيه احد يبيك على التلفون ؟

شيماء / لا ماابي منك شيء .. مو كفاايه خليتي كل اللوم علي .. وخليتي أمي تعصب ..

لجين / طيب انتي صدق المخطئه .. يعني انا صدق خوفتك بس مو لدرجة تصرخين كذا .. قومتي خالي من النوم وهو بالموت ناايم جاي من السفر ..

رمت شيماء الفنجاان معصبه / لا والله يعني تلبسين قنااع وتخوفيني بالليل وتبيني اضحك لك ؟؟

لجين ببرود / طيب خلااص ماصار الا الخيـر ..

شيماء عصبت زيااده ودفتها وهي ترووح الصاله علشان تكلم / ماصار الا الخير ياحمااره وأمي عاقبتني أشين عقااب بالدنياا .. أغسل الصحوووووون .. أنااااااا شيمااء آآخر عمري أغسل الصحوون .. والخدم وش مهنتهم ؟؟؟

تحمدت لجين على خباال أختها وقلدتها بصوت عالي / اناا شيمااء اخر عمري أغسل صحوون ..

جاها صوت شيمااء تصاارخ من الصاله / لجيييييييييييييييييييييييييييييييين

لجين / ههههههههه سمعتني يمه ..

\

بالصاله ..

مسكت شيماء السماعه / الووو ..

/ السلام عليكم ..

شيماء بحمااس عرفت الصوت / هلاااااااا والله وعليكم السلااام .. هلااا بشعووولتي .. وينك يالقاطعه ..

مشاعل / هههههه موجوده والله .. الريااض حرمتنا من شووفتكم ..

شيمااء / ياقلبي انتي مشتااقين لك مووت .. قبل كم يووم بيان وعبير يسألوني عنك ..

مشاعل / بيان وعبيررر .. مشتااااااااااااااااااااااقه لهم بشكل ماتتصوري مشتااقه لهبالهم ..

شيماء برطمت / وانااا ..

مشاعل / هههههههههه عاد انتي غييير .. انتي الكل بالكل ..

\

ماباقي محل مادخلوه داروا على المجمع بكبره ..

مشااري / اوووووووووووف عطيناكم وجه ترى .. شوفوا مكياجي آخر محل تدخلوه بعدها على البيت مو حلااوه السوق ترى ..

وليد كان يمشي مو مهتم يتفرج على الأغراض / هد ياخوي .. تعرف البنات انت مع السووق مايخلصوا الا بعد مايطلعوا روحنا ..

مشاري / طيب هذا أنا وانت شرينا لنا ساعه وعطر .. ماخذنا خمس دقايق حتى ..!!

ضي وهي تدخل مكيااجي / البناات غير ..

مشاري يستهبل / يالبى قلب البناات ..

وليد / هههههههه حتى وانت معصب ..

/

حلا / لا لا لا لا لا ثم لااااااااا .. غشاااااااااش أكبر غشاااش على وجه الأرض ..!!

ثامر بخبث / انتوا يالبناات اذا أحد غلبكم باللعب صاار غشااش ..

رمت حلاا اوراق الأونو / ايه غشاااش .. اول شيء تقول مافيه دبل .. والحين فيه دبل لااااااا وألف لااااااااا .. ماراح العب معك مره ثانيه ..

جات بتقوووم من الأرض بس ثامر مسكها وجرها بحضنه / يااابعد كلي انتي .. خلااص انتي الفاايزه بس حبيب قلبي مايزعل ..

حلا بدلع / لا تحااول تغش وتبيني اسكت لك .. وخر عني بشووف سعود يمكن قاام من النوم جاايع ..

ثامر وهو يضمها من ظهرها / لساا ماقام مانام الا من ساعتين خليه .. أبي الجووو لي .. أبيك لي وبس .. حلا ثامر وبس .. لا سعود ولا غيره .. اووووووووكي ؟؟

حلا حمر وجهها .. ثامــر دايم رومانسي حتى عند اهله يفشلها برومانسيته / ثااامر خلااص ..

ثاامر بهمس / حلااا

حلا بهمس مثله / هلا ..

ثامر / أحبـــك ..

حلا تلتفت عليه تناظره على جنب / وانا كماان ..

ثامر / ههههههههه بتسوين لي أغنيه يعني ..

حلا قامت من حضنه ورااحت جلست على السرير / وانا احبك ..

ثاامر يحرك حواجبه / يعني ماتقولينها وانتي عندي ..

حلا بدلع / لااااااا ..

ثامر / متأكده ..؟

حلا / يسوووووو ..

ثامر وهو يوقف / جواب نهااائي ..

حلا عارفه انها مو قده بس تحب التحدي / قلنا يسووووو ..

جاء عندها وشالها على يديه بلمحة بصر .. صرخت حلاا / لاااااا ثامر وش تسوي .. ثقيله عليك ..

دار فيها ثامر وهو يضحك وهي تصاارخ من الخوف ..

ثامر وهو يدوور وتنفسه سريع .. صرخ / أحبــــــــــك ثم أحبــــــــك ثم أحبــــــك ..

طاحوا ثنينهم على السرير وحلا تضحك وهو يبتسم ويتنفس بسررعه ..

قرب من عندها ومسك يدها / حلاا .. تدرين ..

حلا / هممم ..

ثامر / أحس الدنيا بدوونك ولاشيء .. مالها معنى ..

حلا جلست على السرير ونزلت راسها .. صار وجهها مقاابل وجهه .. وشعرها الأسود الي يوصل لخصرها طااح على وجهه ..

شم ريحة عطرها وقلبه يدق بحبها بعشقها ..

حلا بصووت كله حب .. صوت هاادي .. مايمكله الا العااشق / وانا أحس نفسي بدوونك جسد بلا رووح ..

أبستم لكلامها .. كل دقيقه يحبها أكثــر .. من كثــر مايحبها .. يتملكه خووف انه يفقدها .. كل يووم يمر عليه يخااف انه يفقدها .. ليه ..؟ كل هذا من الحب .. من حبــه لزوجتــه وبــس ..!!

/

ضي / خلصنا كل شيء .. بس بااقي لي انا وبيااان وساره كم شغله بكره نرووح نشتريها من الرااشد ..

مشااري / لا والله ؟؟؟ كل هذا اربع ساعات ونص وماخلصتوا حضرتكم ؟؟

ساره وعيونها على وليد / الله يهدااك وش نسوي .. العزيمه بعد بكره .. لاازم بكره نخلص أغراضنا .. الحين المحلاات بدأت تسكر ..

غلا / يووه صدق ..

مشاري / لا توهم يحسوون بالوقت الخواات ..

وليد بهوودء وجد / طيب حصل خيــر .. بكره خل حمد ولا سطاام يجيبهم ..

مشااري / فاضين لهم .. دايم مشغولين هم ..

سااره / خلااص انا امر عليهم مع واحد من أخواني ..

مشااري / يالله قداامي اشووف ..

مشوا البناات لايعصب عليهم .. عارفينه اذا عصب مايعرف لا أخو ولا عدو ..

أبتسم وليد على سلطة مشااري ومشى بهدووء معه ..

وليـد / تصدق من زمااان عن لمة العاايله .. لو أني مو مشتااق للتسوق مع خواتي .. كان انا عصبت قبلك .. من أول دقيقه ..

مشاري / ههههههههه بتطـفش ياولد عمي .. لحد ماتتمنى ترجع نيويورك ..

وليد / يارجاااال ماصدقت رجعت السعوديه .. ارجع لها ..

مشااري / ههههههههههه

وقــف وليــد فجأه / لحظه ياجمااعه ..

التفتوا البنات مع مشااري ..

أشر وليد لطاوله جالس عليها رجالين ..

وليد يكلم مشاري / مو كأن هذا فهــد ولد عمي ..؟

مشااري يناظر لمكان ما أشر / ايوا والله هذا فهد .. (( التفت للبنات )) وقفوا هنا .. بنرووح نسلم عليه ..

راحوا وليد ومشاري .. كان فهد جالس على الطاوله يكلم بالجوال .. وصديقه يشرب كابتشينو ..

فهد / طيب خلااص ناصر اذا لقيته أتصل فيني ........ الله معك ..

سكر منه وهو ينااظر جواله .. وسمع صووت مشااري / السلااام .. صدفه خير من ألف ميعااد ياولد عمي ..

وقف فهد مع صديقه وهو ينااظر في وليــد الي معه / عليكم السلام .. هلا بعيال عمي ..

سلم عليهم وسألهم عن أخبارهم .. وسلم صديقه عليهم وأستأذن من فهد بيرووح ..

فهد / وش تسوون مع بعض هنا ..

مشاري / مع البناات جايين يشتروا يقالهن العزيمه الي بيسويها عمي لوليد كبيره لازم يتكشخن زين ..

وليد / البنااات ورطه ..

فهد بجديه / الله يعينكم .. المفرووض ماعطيتوهم وجه ..

مشااري / حراام عليك .. نعطف عليهن مو مثلك ..

فهد بدون أهتمام / صدقتي البناات ماينعطون وجه ..

وليد وهو يعدل شماغه / بتتزوج .. وبـيـبـتليك ربي بوحده تموت بالسوق عقااب لك هههههه ..

تذكر فهد شيء على طااري الزوااج والتفت يدور البناات / أجل وينهم .. ليه مخلينهم لحالهم ..

مشاري / شوفهن بالزااويه نناظرهم حنا .. ماراح يجيهن شيء ..

فهد / وأختي ساره معكم أول وحده أكيــد ..

مشااري / هههههههههه صادق اول وحده مرينا عليها .. وطلعت بسررعه ..

فهد / يالله أجل أنا بوصلها برجع البيت الحين ..

مشاري / يالله تعال ..

راحوا لمكان البنات ..

تهاني تهمس لضي / ضوويه لاتطلع عيوونك .. دارين انه حبيب القلب بس مو كذاا ..

ضي ضربت تهاني على كتفها / وجـــع لا أحد يسمعك أسكتي ..

بياان / وش تقولون هااه ..

غلا نطت / اييييييييه الحين طلع لساانك طول الوقت تهمسين وش سالفتك كله حيااء من ولد عمك ..

بيان طااح وجهها عند البناات / ماالك دخل ام هلال .. أتكلم اهمس شيء راجع لي ..

قامت الهووشه طبعاً عندهم ونسوا مشاري وفهد ووليد الي جايين لهم ..

تهاني وضي / بسسسسسسسسس فشلتونا ..

ساره / الحمدلله يااربي ..

وصلوا الشباب عندهم وسمعوا غلاا ..

غلا بعربجيه / هالبياانوه الهبله طوول الوقت عااقل والحين طلع لساانها مع هالغطوه ..

رفعت بيان غطوتها بدلع عن عيونها وتكلمت بصووت ناعم تقهر غلا / ياااربِ ادري انك مشتااقه لعيوني الحلوه (( ورمشت بعيونها بدلع وهي ماتدري عن العيون الي تناظرها )) بس تحملي .. بغطيهم داايم اذا جيت اطلع علشاان ما أحد يصكني بعين ..

غلا / تكفييييييييييين ..

ساره أنتبهت لأخوها وعيال عمها / خلااص جاوا الشباب ..

التفتوا البنات يناظرونهم بفشيله .. وغلا سكتت وهي تخز بياان .. اما بيان التفت وطااحت عينها بعين وليــد .. الي كان يناظرها بنظراات غريبه بعيونه الواسعه .. على طول ولاشعورياً غطت عيونها .. وشافت وليد يرفع حاجب يدل على الأستغراب ..

مشاري / هيييييه انتن مجانين تتهاوشن عند الكل يالله قداامي ..

بيان ماقدرت تمسك ضحكتها وهي تشووف البنات متفشلات / ههههههههه ..

غلا ونفسها تتحرش / فيه شيء يضحك آنسه بياان ؟

ماهتمت بيان لها .. ونست حياها من وليد وفهد .. ومشت بدلع وغرور ..

عيوون فهد ماطاحت على غيرها .. مايدري كم عدد البنات كل الي شاف عيونها .. خيااااال ..صارت أحلى من قبل .. كل الي سمع صوووتها الناعم .. دلعها .. دلع طفولي .. من حقها تدلع اذا صارت عندها هالعيوون العذااب .. حس انها ملكه .. ملكه هو وبس .. لاازم يتصرف بعد العزيمه على طووول بيخطبها .. يبي الدلع يصير له هو .. يبيها تدلع عليه .. وش صاار له .. وين الهيبه والشخصيه .. رااحت قداام الحب ؟؟

مشى معهم .. وعيونه عليها وهي تضرب البنت الي تتهاوش معها على كتفها بدلع ..

وليــد كان بمشي وهو مبتسم .. العبي على غيري يابيان .. كل هذاا حيااء ..؟ مستحيه ماتبيني أعرفك من صووتك وعيونك .. الي عرفتهم بالحديقه ..؟

لا .. انا عرفتك من أول ماشفت طولك .. من أول ماشفت بيااض يدينك .. وااضح يابنت عمي .. لكن غريبه شكلك طفله عمرها 10 سنوات بغض النظر عن طولك .. ؟ كمل أبتسامته وهو يناظرها تنزل من الدرج بدلع .. وش سالفة دلعها هالبنت ؟

/

اليوم الي بــعده ..

ضي / يبـــــه هالسنه لااازم نســافر مو مثل ذيك السنـه ..

بو حمد / أبشرري بنساافر بعد ماتطلع نسبة بياان ..

ضي / يوووووه ذبحتونا مع هالبياان ..

بيان بدلع / ممممممم موتي قهــر خيتوو .. (( قامت باست ابوها على خده وضمته )) اساساً بابي ماراح يسفركم بدون موافقتي ..

ام حمد / وحده واااااااااثقه الأخت ..

بيان / مامي من متى انا خيتك ..

بو حمد / هههههههههه اركدي بياان .. اسمعوا هالمره رااح نساافر كلنا ..

ضي وبيان مافهموا / كلنـا ؟؟؟

بو حمد وهو يهز راسه / اقصـد عمامكم وخالكم صالح .. اتفقت أنا معاهم .. هالمره لاازم نساافر كلنا .. علشان وليــد يشوف عايلته من زماان عنهم ..

ضي / يا أنتوا دلعتوا هالولييييييييييد ..

ام حمد خزتها / ضي ..!!

ضي بملل / سوووري ..

بيان / طيب بابي وين بنروح .؟؟

بو حمد / لحد الحين ماقررنا بس يمكن نروح مصر ..

ضي وبيان / وناااااااااااااسه ..

/

غلا وهي تناظر التلفزيون / تهاني ..

تهاني وهي تقرأ / همممم ..

غلا / عندي كلاام كثيــر ودي أقوله لك ..

تهاني ناظرتها / كلام كثــير ..؟

غلا هزت راسها وهي توقف / ايـه .. لكن مو اليووم بعد بكره .. بعد العزومه ..

راحت عنها .. وتهاني علامات الأستفهام فوق راسها .. وش سالفة البنت متغيره علي ..؟

/

جالسه على السرير تكلم واحد من الي تعرفهم ..

بصوت كله غنج / اقوول تراني مليت من صوتك تبي شيء الحين .؟

رد عليها صوت خشن / اوووف ابووووووووووك يا الصراحه ..

ردت عليه / يالله عطيتك وجه ترى اخلص علي .. باي ولا عاد تتصل مليت منك بغيرك ..

سكرت بعصبيه .. اووووووووف ماينعطوون وجه صدق ..

ماحست الا بباب غرفتها ينفتح بدوون أستئذاان ..

عصبت / خييييييييير ..

ناظرت في أختها القصييييره .. وبجسمها الملياان .. وشعرها بووي أسود فيه خصل زرقااء ..

دخلت وسكرت الباب وراها ومشت بغرور ماينااسب طولها / اقول هاجر فكينا من تماسيحك وقومي العشااء ..

هاجر / نعم نعم نعم .. أقولك انتي المفرووض ببيت زوجك ياآنسه منى .. مو كل يووم جايـتنا ومخليه بنتك تكسر أغراضنا ..

منى / والله رنداا عااقل وماكسرت شيء وبلا كلام فااضي قومي الحين أمي أتصلت بسامي وهذا هو جااي بالطريق ..

هاجر بأستهزاء / أجل جااي بالطريق .. لي أسبوع ماشفت هالأخو .. مسكينه زوجته تعذبت معه .. الحمدلله انها هربت وراحت حبست نفسها بغرفتها أبرك لها من مقاابل هالسكير ..

منى عصبت / اقووول أحترمي نفسك هذا أخو الكبير وقوومي قبل ماتعصب أمي ..

هاجر وقفت معصبه / انا الي عصبت مو أمك .. فكينا منك ومنها وأطلعي ..

منى وقفت جنبها / صدق قليلة حياا ماربتك امي زين .. الله يعين الي بيااخذك (( مشت بتطلع من غرفتها والتفت لها قبل ماتسكر الباب )) (( بأستهزاء كملت )) هذا اذا فيه احد بياخذك ههههههاااااااي

سكرت الباب .. وخلت هااااجر شااااااابه ضووووووووو من العصبيه .. راحت تركض أفتحت الباب وأنزلت لهم ..

شافت منى وأمها ورندا جالسين على التلفزيون .. قرت منهم وأشرت على منى بتهديد / أسمعي تراني أحلى منك الف مره .. مو كل مره تجينا تغثيني بهالكلام .. ومو معنى انك تزوجتي انك حلوه .. لاا ياأختي نااظري نفسك بالمراايه بعدين تكلمي ..

منى بعصبيه / يمممممممه سكتي بنتك لاأكفخها لك ..

هاجر تكتفت / يالله وريني شطارتك وأرفعي يدك ..

أم سامي بقسوه / أقول هويجر ورى ماتروحين تشغلين لك زفه وتتخيلين انك تزوجتي مو أبرك من أنك تطولي لساانك على أختك الكبيره .,.

ماكملت .. لأن فيه أحد دخل البيــت ..

/

التميز خلال 24 ساعة
العضو المميز	الموضوع المميز	المشرف المميز
همس الندى	الشقراوات مسليات والسمراوات للزواج!! بقلم : حلاها سعودي	حلاها سعودي