السلام عليكم

لكم قصيدة للشاعر مشعل عوض وأسمها

ريح الصبا

وهو كويتي ويحب أهل السعودية وله ربع هنا يسيـّـر عليهم دايم

والقصيدة تثبت هذا الشي

ومن ضمنها تثبت إنه يبي يشوف البراري والسيل ولا يحب جلسة المدينة

بصراحة كلنا نحب هالشي

المهم عرفت الشاعر عن طريق قناة نجوم 4 اللي تذيع القصايد

وياليت كل القنوات والمجلات ما تطلعنا إلا على هالشاكله من الشعراء الفطاحلة

يعني مشعل عوض واحد من ألف اللي قعدت أسمعه بالقنوات وحفظت أسمه

وإلا أغلب الباقي يمرون على سمعي مرور الكرام

تفضلوا هذي القصيدة ونقلتها لكم كما كتبتها الشاعر في أحد المنتديات

.

.




ريـح الصبـا مـع قرايـا نـجـد والعبـلـه
مستوطنه فـي ضميـري قبـل مااجيهـا
ديار ربعي وكل(ن) عـارف(ن) سبلـه
ياخذنـي الـشـوق لامــن مــرّ طاريـهـا
وجـهـي عليـهـا الـيـا وجّـهـت للقـبـلـه
الله يـــبـــارك بـتـربـتـهــا وأهـالـيــهــا
يالله طلبتك خيال(ن) صـادق(ن) وبلـه
يسـقـي ثـراهـا مـــن اولـهــا لتالـيـهـا
يفرح به اللي قضى عمره يسوق ابله
يتـبـع هـواهـا ويمـشـي فــي مفاليـهـا
من عهد جدّه وابوه ووقت يُحسـب لـه
أتـــلاااد مـاهــو ملقّـطـهـا وشـاريـهــا
ودّي اسيّـر علـى شـرواه واتـعـب لــه
واسجّ رجل(ن) على الطرقه مضرّيها
شوف الفيافي ربيع القلب واطرب لـه
لاصار وسـم(ن) بكـور وناقع(ن)فيهـا
كبدي من اهل الهروج العـوج مندبلـه
اباابـتـعـد عـــن سوالـفـهـا واخـلّـيـهـا
والطيّـب اشتـاق لمخـاواه وانـدب لــه
خــوّة مطالـيـق تعـجـب مــن يخاويـهـا
ادمح خطـا صاحبـي والهرجـه الخبلـه
مـن طيـب خاطـر واطوّفـهـا واعدّيـهـا
لو كـلّ مـن زلّ حسّـب لـه وعاتـب لـه
مـاعـاد تلـقـى مشاكـيـل(ن) تصافيـهـا


.

.




ركزوا على الأبيات الأخيرة وبالذات

البيت الأخير يجب الوقوف عنده

أما البيت الثامن حكايته حكاية

يعني شوف كيف الوصف بس

بالذات في الشطر الثاني

يوصف لنا نوعية السيل اللي يبيه

وكيف تكون وضعيته في الأرض إذا نزل عليها



تحية ياابن عوض

تسلم على هالقصيدة

والله يحييك بين أهلك وناسك