ماكل شخصً يعذرك في مصابك
لاتسكب الدمعة على خد حساس
لاتحرق أوراق الزهر في عتابك
ولا تضيق الصدر المولع بالنفاس
ولاتقطع عروق(ن) بكت عند بابك
ياقلبي والله مابقى في عيني إنعاس
يومك شكيت الحب محد(ن) درابك
والنار ماتحرق سوى رجل من داس
للي كواه الحب يفهم خطابك
قبلك شرب مجنون ليلى من الكأس
واليوم نفس الكأس تسقى شرابك
ياقلبي اعرف معدنك معدن الماس
توفي لحبيب الروح لو هو رمابك
ياقلبي خلك بالشدايد قوي باس
لاتلتفت للجرح لو هو سطابك
ياقلبي لاتسقي عروقك من اليأس
خل الأمل والصدق دايم زهابك
مدام طاحت فأسك اليوم بالرأس
اعذر جميع الناس وخفي عذابك
***********