اختي الغالية zouzfila شكرا على اهتمامك وحتى يزيد هذا الاهتمام
سوف اكتب بالعراقية واي شي ما تفهمي كوليلنا واحنا مستعدين
هو جم zouzfila عدنا
وعلى الكلمات اي تلحين عليها ومحد وظحها اني ان شاء الله يكونلي الشرف بتوظيحها بس اخر كلمة
لانها مو كلمة عربية بس اريد ذكية تشوفها يمكن تكون كلمة كردية او تركمانية
المهم قمجي هو السوط الذي يظرب بيه العربنجي على ظهر الحصان او الزمال
اني ادري هسة تكولين ليش هو منو الزمال بالعراقي معناه البغل
طلي وهو الخروف الذكر
التاتا هي مثل ما ذكرتي هي وسيلة نقل اي الباص
وازيدج من البيت شعر جانت عدنا وسيلة نقل الي هي الباص ابو الطابقين احنه نسميها امانة
اما بالنسبة لهاي الكلمة والله ما متاكدة منها(شينشتف)بس اذا شلنا التاء يصير شينشف اي
من يجفف او متى يجف للسؤال

وطبعا اني اتمنى من الاخ الحصن الحصين التواصل فالمواضيع وطيرقة طرحها مشوقة جدا
ومعلوماته قيمة جدا ارجو منه الجديد

وارجو منكم تقبلي مرة اخرى في بيتنا الجميل هذا ( بوابتي الغالية)