عضو جديد
مزاجي اليوم | | | تاريخ التسجيل : 20 / 12 / 2006 | | | | | | | المستوى :  | | | | |
 
 | المنتدى : بوابة القصص والروايات  قصة " مجزّأة " .. <1>
بشروه اني " أبرحل "
المقدمة :
أبو ناصر : ياالله ياعيال نطوف طواف الوداع .. ورانا درب طويل للكويت .. وودي أواصل ..
أم ناصر : يالله يامها قومي كفاية نوم .. قومي ساعديني على الأغراض ..
مها وهي على فراشها : مالي خلق أبي انام شوي .. تو الناس لاحقين ..
أبو ناصر : مها يابوج متى بتخلين نوم الظهر الي يتعّب الجسم ؟ .. قومي يالله عاوني امج !..
وفي المغرب تجهّزت العائلة الكويتية الي كانت في زيارة للأراضي المقدسة للعودة للكويت ..
الطريق كان طويل .. وقطعوه بالسوالف والضحك .. مرت الساعات ثقال .. وحس أبو ناصر انه تعبان .. خصوصا انه ماعنده ولد كبير يسوق عنه .. لكنه ضغط على روحه علشان عياله اشتاقوا لديرتهم واصدقائهم ..
الساعة 1 صباحا ..
أم ناصر : مها روحي سوي ساندوتشات لاخوانك .. والله مافيني حيل ..
مها : خليهم يولون .. توهم ماكلين شيبس وبيبسي ..
أبو ناصر : أي والله روحي سوي لي انا بعد .. مشتهي ساندويتش من ايدج ..
مها : طيب أبشر .. بس عشانك ..
سوت مها لاخوانها وابوها الساندويتشات ونامت في اخر السياررة ( G M C ) ..
الساعة 3 صباحا ..
أبو ناصر ينعس بشدّة .. ومو قادر يشوف الطريق .. والعيال كلهم ناموا .. حس الدنيا " ظلمة " جدامه .. انحرف عن الطريق ومالت السيارة .. حاول انه يسيطر على الموقف وداس على البنزين بقوة .. وكان هالشيء مو من صالحه لانه فقد السيطرة .. وانقلبت السيارة عدة مرات ..
وكان حادث مأساوي ....
مضت ثلاث ساعات .. وكان الشارع فاضي ..
أبو ناصر وأم ناصر والولد الرضيع الي كان بحضن أم ناصر على طول توفوا .. أما الاولاد الاثنين فكانت حالتهم خطرة ...
ومها .... كانت في غيبوبة .. والله سبحانه وتعالى هو العالم بحالتها ..
مرّ شاب بسيارته من مكان الحادث .. وبلّغ عن الحادث .. وشاف مها على بعد خمسة امتار عن مكان الحادث ..وكانت جنطة ملابس كبيرة فوق رجولها .. حاول هذا الشاب انه يساعدها ورفع الجنطه عنها ..
البنت فيها نبض .. وصلت سيارة الاسعاف متأخرة .. وللأسف الولدين ماتوا وهم في سيارة الاسعاف ..!!!..
وترقبوا بقيّة القصّة ...  .,،.,،.,،.,،.,،.,،.,،.,،.,،.,،.,،.,،.,،.,،.,،.,،., ،.,،.,،.,،.,،.,،.,،.,،.,،.,،.,،.,،.,،.,،.,،.,،.,،. ,،.,،.,،.,،.,،.,،.,،.,،.,،
وتقبلوا تحياتي .,.,., 
|
أنت غير مسجل في منتدى بوابتي أجمل تجمع سعودي خليجي . للتسجيل الرجاء إضغط هنـا 
