 29 / 07 / 2007, 03 : 10 AM |
عضو يساهم بحب
مزاجي اليوم | | | تاريخ التسجيل : 19 / 01 / 2007 | | | | | | | | | المستوى :  | | | | |
 
 | المنتدى : بوابة النثر والخواطر  يا ليل جم دوب الصبر
يا ليل چم دوب الصبر
مليت من هذا العمر * چم دوب أتاني وأنتظر
مليت وبكَلبي أشعلت * نيران من كثر القهر
ما أكَدر أتحمل بعد * مثقال ما ظلّي صبر
ما ظن بعد تطلع شمس * وچماله شو غاب الكَمر
دنيه وعمر بالهم كَضن * حسبالك إطيوف وتمر
چم شوغه شوغني الوكت * چم صدمه راواني الدهر
الله يا ليل إشوكت * تخلص ويطلعلي الفجر
والنوب أشوفن سچتي * وأمشي إعلى كيفي وما عثر
لاچن يليل إبلا عتب * حاچيني وإطيني الخبر
وإرحم يليل إبحالتي * مو تدري كَلوطني السهر
مطروح وفراشي الرمل * عريان وغطاي المطر
يا ليل شحچيلك بعد * خجلان ولساني كَصر
سامحني لو طال الحچي * يا ليل وهواي أعتذر
لاچن يليل وداعتك * ما أكَدر إبحچيي أختصر
خليني أكمل قصتي * وأنقلك أخبار وصور
يا ليل كل صبري إنتهى * ومشحوفي بالهور إنحدر
وظليت أباري ولا بكَت * غرّافه والمردي إنسكر
والروج أخذني ولا بعد * ينفعني يا ليل الحذر
لا صوت أصيح وينسمع * لا واحد إكَبالي يمر
يا ليل أنشدك محنتي * يا يوم تخلص يا شهر
يا ساعه يرحمني الوكت * وتغيب لحظات الكدر
كلمن زرع كَاعه حصد * وآني الزرعته ما ظهر
وأكثر بعد يا ليل إخذ * من بلوتي وشوف إشكثر
شديت ألف جرح وجرح * ظل بالكَلب ما يندثر
ينزف يليل وكل جرح * ضمّدته شبساع إنفجر
وحته اللي داويته ويبس * رد خزّن إعليه وكبر
يا ليل شمسوي اسألك * بالدنيه راووني الكَبر
مليت والعمر إنكضه * وكل هذا وتكَول إنتظر
وإحمل مرارات الوكت * والفرج مفتاحه الصبر
***
طاوعتك إبهذا الحچي * يا ليل وارد أصبر بعد
وأتحمل هموم الوكت * بيها أحسب إسنين وأعد
بلچت يوافيني الدهر * ويعود الي إبخير ويرد
واسمع هلاهل بالطرف * وأصوات من كل البلد
وأجراس تعزف بالنصر * وأعلام تحملها الولد
والنوب أشوفن كل طفل * شايله فد شدة ورد
مشعوله ألف شمعة فرح * يا ليل اشوف إبكل عجد
يا ليل ألف حلم وحلم * مر إعلى بالي وما يرد
شوّش خيالي وفكرتي * وبسرعه يا ليل إبتعد
وظليت أشوف بهل حلم * يا ليل چن صورة مجد
تتوهج بنور الشمس * بعيوني بس ظليت أصد
يا ليل چم صورة حلم * تمشي وتذوبلي الچبد
تتركني بثياب الحزن * يا ليل عمداً تبتعد
وأتباهه بهدوم الصبر * چم ثوب إلي بالهم ركَد
فنلندا
عواد العابدي
| | |
|
أنت غير مسجل في منتدى بوابتي أجمل تجمع سعودي خليجي . للتسجيل الرجاء إضغط هنـا 
رد : يا ليل جم دوب الصبر
