لك الله يايبــا قلبي تلوع والزمان أشقاه=وأنا مما حصل لي يايبــا تاهت بي أفكاري
مشيت بخطوتي نفس الطريق اللي عجزت أنساه=مشيته ودي أعرف وش نهاية بس مشواري
لقيت الجرح بكتاب الخفوق ولاعرفت أقراه=حروفه مبهمة صعب يحل رموزها القاري
وشفت الجرح بعيوني وصحت وقلت من عزاه=أنا وشلون أداري الجرح وأكتم باقي أسراري
وقمت أندب على خل جرحني و الخفوق أبكاه=بعد ماكنت له نبع الحنان الصافي الجاري
أبادله الغلا وأفرح إلياشفت الفرح بشفاه=وأصونه عن عيون الناس وأقفل دونه أسواري
وأضمه داخلي حلم يسامر خافقي طرياه=وأموت إن غابت أطيافه ولامرت على دياري
وبعد هذا الوفاء كله يجرعني ألم فرقاه=يجازيني بهجرانه وبعده عن سما أنظاري
وحاولت أتناسى اللي حصل لي ولا قويت أنساه=تذكرته بعد مرت بطيفه يمي أقداري
وقلت أرسل مراسيلي عسى يوم أجي وألقاه=وردوا لي مراسيلي وماجابواعنه الطاري
وعرفت ان الزمان اللي عطاني ومد لي يمناه=قصرفي مدته وأشعل من ضلوع الحشا ناري
وعشت الاه بضلوعي ورحت أتسابق لمرضاه=جريح أنثر شقا جرح الزمان بدفتر أشعاري
وذا كله سبب قلب تلوع والزمان أشقاه=وأنا مما حصل لي يايبــأ تاهت بي أفكاري