حينما أجمع أغراضي .. أستعداداً للسفرة..
وحينما تربط الشنط فوق السياره

طبعاً خــــــــــــــــارج بريدة..

فأنني سأحرم من كلمة جميلة وهي بوه
مستبدلتاً إياها بكلمة فيه...

أسأل أمي : بوه ببسي؟؟
فيبادر أبي بقول: لا تقولون بوه باقي 50 كيلو على الرياض..

لماذا نتخلى عن لهجتنا ؟؟

لايرد أبي

يدردش ابنا عمي الصغار بنكته :
بوه بوه انتحرت ليش؟؟؟
تقول خلو فيه تنفعكم..ههههههههه

ضحكاتهم تتعالى هناك ...
أتحدث أنا معهم:

وراكم تسذا؟؟؟

يلفت أبي أنتباهي: قل كذا.. وصلنا الرياض

يبه عـــــــــــادي...
طيب علمن وشوله؟؟



يصمت أبي طويـــــــــلاً


وصلنا البيت...

أول شخص نزل من السيارة كان أبوي..

رفع راسه بيشوف العفش
وقال بصوت عالي مع تغير كبير في الملامح:

بوه شنطتين طايحات؟؟؟

يرد ابن عمي الصغير : عمي لا تدول بوه ، دل فيه ، وثلنا الرياض..!!