الطفولة ..

أحلى مافي هالحياة
مرحلة من غير هم
كنـّا دايم نبتسم
كنـّا حتى لو بكينا ... وجارت الدنيا علينا
بعد لحظـات وثواني ...
بسمة فينا ترتســم

كنـّا نركض
خلف كورة ... ( لا لا أنا ماكنت معهم؟ )
وحدي بس بعيد عنهم ... كنت أنا أضحك عليهم ...
جالس لحالي أهذري... جالس أحسب كم( كوبري )...
صلـّحه ( أحمد ) في ( ماجد ) ؟؟
والله واجد !!
وقبل ما يحل الظلام ...
للبيوت نروح نجري ... ( لا لا أنا ماكنت معهم ! )
أمشي وحدي بعيد عنهم ... أمشي وأعدد أثرهم !
وهم عني يبعدون ...
يبعدون ... يبعدون ...
إلا( ماجد ) !
كان مثلي حيل ضايق ...
بس حزنـي كــان حارق
كان يسألني ببراءة : ...
ليش تعرج ؟ ... قلت ما ادري ! - باستياء -
ليش تبكي ؟ قلت ما ابكي - بكبرياء -
ضاق مني ...
ثم سألني في غباء ...
قال ( وثرايك نتثابــــق )؟
وراح عنــّــي ... !!


كنت أسأل دوم نفسي ...
ليش ما أركض معاهم ؟؟
ليش دوم أمشي وراهم ؟؟
وش
بلاي ؟؟ أو وش بلاهم ؟؟
ليه أنا غير الأنام ؟؟
زاحمتني الأسئلة...
كل شيٍ أجهله ؟
وإن تعبت من الإجـــابة...
أحظن الحيـــرة وأنام .

مرّت سنين وكبرت ...
صار همّي اليوم أكبر
حتى دمعي صار أكثر
للأسف توي قدرت ...
أفهم إني شخص ( عاجز )!

يعني بيني وبينكم
مليون حاجـــز !!!
صدقوني ذي حقيقة ...

لا طلعت السوق ... كل ما أمشي دقيقة
القى كل شوي أبله !
يمشي ويناظر صديقه ...
ويغمز له
يقول : ناظر...!
وش يناظر ؟؟
وتتفجّــر في خفوقي
ألف ضيقة
ووحده في وسط الزحام ....
طالعتني باهتمام ...
بنت في عمر الزهور ... أي رشاقة ... وأي أناقة ...
وأي عطـــور !!
قلت في نفسي ياهووووه
هي تناظرني بغرام ؟ أو هي نظرة والسلام ؟

بس أكيد إنها تعرفني ... شايفتني ؟
شايفتني في جريدة ؟
واعجبتها لي قصيدة ؟
إيييييه أنا توي افتكرت ...

لي قصيده ...
كنت ناشر معها صورة
بس صورة ... ياسلااااام
وفاجأتني ...
لمـّا صارت لي قريبة ... كانت تـتمـتم بطيبة



{يكسر الخاطــر حـــرااااام ) !!!!!



وتركت دمعة غريبة ...
وضاعت بوسط الزحــام

دمعة كانت تحكي وضعي ... زلزلتني
ارتطم قلبي بضلعي ... دمرتني
صدقوني ...
أصعب اللحظــات وأقسى


لاغدا الرجـّــــال يكسر ... خاطر انثى
كيف ينسى ؟؟؟

جاوبوني !

وزاد همّــي ...

يوم فكــّـرت بوظيفة ... ثم زواج
أي وظيفة ... وأي زواج ؟؟
اللــي مثـلي ...
مهما طالب ... لويلف ولو يدور
زين لو حطـــّــوه كــاتب
لا
... وعلى بنــد الأجـــــــور ....
ماهو رسمي !!!
صدقوني لو تدرّج ... وصار راتبه ايتصاعد
وابتــدا وضعه يزين
ما أظنه بيتزوّج ... حتى لو بعد التقاعد
>>!
>>وفي النهــايه ...
يابلــدنا... مهما كانت ( تسميتـنا )
عاجزين ...( معوّقين )
لك عهدنا... وذا قسمنا: >>

أقسم بالله العظيم ...
منزل الذكر الحكيم
أن أصونــك يابلادي ...
من شرور العابثين
من مطامع كل حاسد ...
من نوايا كل فاســد
وإني لك حصنٍ حصين
إنتي ناديني وشوفي ...
لا نويتي بالجهــاد
والله أقهر لك ظروفي ...
دامك إنتي لي بــــلاد
وباسم كل العاجزين ...
دام فينا اصبع يطول الزنـــاد
لا يهمــّـك يابلادي ...
وازهليهــــــــا

منقووول لنفس الشعووور ...

تحيــــــاتي ...