للأمانة

ما شربت إلاّ حنانه

يا مكانه

وين صوته ما لمسني

وليه كفه ما ندهني

ليه يرحل من ضياعه في ضياعه

وفوقها الخافق سلبني

لي ثلاث أيام أحاتي

ارسم استفهام بعده

واحلم انه راح ياتي

بس لا ياتي ارحمتني

ولا قدرت اسجن سكاتي





أرتمى صدري علـى وناتـه
...............واحتبس دمعي وتاهت عينـي

ما قدرت اكتم صـدى آهاتـه
..............ولا قدرت أعرف أحدد وينـي

تاهت الخطوة مدى ضحكاتـه
...............واصبحت لأرض الشقا توديني





وآآآآه ياعيني

ما غرفتي غير

من بحر الفراق

الي انتهت باقصى تفاصيله

عناويني

ولا قدرت آشوف ويني





من تعبت أتعب لحالي
..............واحضن العبرة واردد
راح عني راس مالي
..............والشقى فيني تجـدد





وكيف أسوي ؟!!

أنطفى بالليل ضويّ

لا كلامي راح ينفع

أو يبدد ضيق جويّ





يا ثلاث أيام راحـت
...........الصبر قرر خضوعه

ضحكتي عالخد ساحت
.............وابتساماتي جزوعـه


حروف الحب ...