 29 / 10 / 2007, 17 : 11 AM |
عضو نشط جداً
| تاريخ التسجيل : 09 / 06 / 2007 | | | المستوى :  | | | | |
 
 | المنتدى : حصاد الإنترنت  باب الحارة في حلته الجديدة.....
تطوير الحارة الى حارة آخر موضة وسيبدأ التصوير في المزة فيلات في دمشق بدل حارة الضبع وفي الرابية في عمان بدل حارة أبو النار.
أبو عصام يدخل كلية الطب ويصبح دكتور و يدخل تعديلات في الصالون ويصبح ستاتي رجالي ومساج وسشوار ومنكير وباديكير ومن هالقصص .
معتز بيصير عنده مسدس 9/14 مع موجه ليزري هداه ياه خاله أبو شهاب في حال صار عمليات قنص بالحارة , وبيركب كاشف خط للارضي لانو عم تجيه ازعاجات من البنات المعجبات بالحارة.
أبو حاتم يحول القهوة الى كوفي شوب و خدمة أنترنت اي دي اس ال وفضائي و بجيب طاولات بلياردو والصانع يلي عنده مسلم بيساوي دورة Network+ و A+ .
فريال تهدي ابنتها غسالة فل أوتوماتيك وضرت ابنتها تعترض ومن هنا تبدأ المشاكل وعصام يلعن اليوم اللي اتجوزهم فيه .
أبو شهاب يذهب الى ايران لتأمين صواريخ مضادة للدبابات لارسالها الى الثوار ويطالب بنفس الصواريخ التي استعملها حزب الله في لبنان ضد العدو الاسرائيلي .
أيضا أبو شهاب يتزوج فريال من باب الشفقة والمصلحة حيث أنه أصبح تاجر سلاح دولي ومو فاضي لمشاكل الحارة فقرر الزواج منها عشان اذا حصلت مشكلة لا سمح الله ما يستعمل ايدو رح يستعمل لسانها. وفي قصة بتقول انو ام زكي عم تدورله على وحدة شقفة وشقرة وطويلة مشان يرفع راسه فيها قدام شباب الحارة.
أبو بشير يطور مخبزه الى مخبز آلي وبفتح بجانبه معجنات شامية و مناقيش ويزيد وزنه كم كيلو وابنه بشير بيسجل معهد فندقي سياحي اختصاص معجنات وحلويات .
ابراهيم يترك العمل مع والده بعد ما بهدلو وأرغمه على تطليق دلال حبيبة قلبه ويشتري محل في سوق الحميدية ويصبح من كبار تجار الأقمشة المستوردة فقط .
أبو كاسم بغير ديكور الحمام ويستورد بنات فلبينيات للمساج ويصبح من الأغنياء لأنو شباب الحارة دايما عندو .
ابو غالب اللئلوء بياع البليلة بيضل ندل بس بيصير عنده عرباية بليلة بدل السلة يلي حاملها وبيصير ببيع عرانيس درة وبوشار وبيشتري مسجلة وشريط كاسيت طير وفرقع يا بوشار ما بيصير اكتر ما صار حبيبي قلبه فرقع متل حبة البوشار .
جوز فوزية بيصير ابضاي وبصير يشيل شنتيانه وبيصير يلعب كارتيه مشان يسد بتاره من معتز.
وعبدو متل ما هو بيضل فاشل ويصبح عاطل عن العمل بعد ما جاب ابو جاسم الفلبينيات وصار يشتغل عند الخضرجي أبو مرزوق الذي طور محله الى سوبر ماركت فايف ستار وصار وكيل لكوكا كولا بكل المزة, وطبعا أبو مرزوق وعده يجوزه بنت من الحارة ورح يزيدله راتبه ليرة .
صطيف بيرجع عالحارة بيكون ابو شهاب ماقتلو بس طخ عليه بفرد صوت .. ووقتها صطيف عاش الدور وعمل حالو ميت .. لانهم كانو يومها يصورو الكاميرا الخفية وبدهم بس يخوفو عصام ويخلوه يصير ابضاي متل خاله وفي رواية بتقول انو صطيف كان لابس درع واقي ضد الرصاص وساوى حاله ميت لانو زلما متلبس وكهين.
| | |
|
أنت غير مسجل في منتدى بوابتي أجمل تجمع سعودي خليجي . للتسجيل الرجاء إضغط هنـا 
عدم إطلاعك على قوانين وضوابط الكتابة في بوابتي لايعني عدم مسؤوليتك عما فيها من بنود 
