والله وجا للشعر اكاديميّه=عام وتخرّج كل ساذج شاعر
يقلون في الأوزان والقافيّه=نعلّم الأبله ويصبح شاطر
ولا يهم الدين والجنسيّه=أهم شي يكون شخصٍ قادر
يا ما لها من قصة وهميّه=تغري ضلال عقول وإلا عاهر
يخفون وسط الشهد سم الحيّه=ويلبّسون الشعر ثوب الفاجر
وبزعمهم له حلةً عصريّه=كسوه عار ومهزله ومحاقر
ناساً على وجه الشعر عاريّه=عشّاق زيف وفلسفة ومظاهر
ملبوسهم وأفكارهم غربيّه=وأسلوبهم مقذع وشين وساخر
هذاك يشكي عاهتاً خلقيّه=وذيك تتمايل شعرها ثاير
والكل منهم يدعي مازيّه=والخافي اظلم وأعظم من الظاهر
سوبرستار بزخرفه بدويّه=تحت اسم شعار الزمان الحاضر
يا ناس شوفوا الساحة الشعبيّه=وقارنوا الحاضر بوقتًا غابر
الفرق شاسع بين ذيك وذيّه=فرق التراب عن السحاب الماطر
فالشمس ما تشبه براد الفيّه=ولا النهر مثل المحيط الزاخر
والماس غير الفضه المجليّه=والنحس غير عن النضار الباهر
وجهة نظر بنكهةً شعريه=من شاعرا ما هو قديم معاصر
ترجم لكم ما جال في خافيّه=بقول متناسق وفكراً ناضر
ما يدعي السقيه من الجنيّه=ولا عاش في وقته معيشة صاغر
في سبعه وعشرينه الهجريّه=مشيب راسه قبل حينه بادر
ومن شعر نور وفادي وبدريّه=عن شاعر المليون قلبه خاير
واللي بنا للشعر اكاديميّه=يا ليت يدري وان مصيره ساير
يبغي الصراحة ميه على ميه=ما تكتبه مستشعرينه باير
مهما عمل له هاله إعلاميّه=ما ينفعه لابدّ سوقه خاسر

شاعر من شعرائنا السعوديين نفتخر بوجودك بيننا


و لنا الشرف بحضورنا صفحتك


وأهنئ المنتدى لحضورك




مساء الورد والجوري ... ضيف الله المتعاني



لقد اخذتنا ...الى واقع الاوزان والقوافي



يالروعة مدادك



حينما يسطّر بصدق وشفافية



هذا الجسم الممزوج



بعبق الجرأه



وصفاً ورسماً



لابد وان تستجيب المشاعر



لهذا العزف الصادق



وربي مذهل



يراع نطق الابداع




نضوج .. روعه .. تميز



نكهةمختلفه



انتـ قلم ليس كأي قلم



يسطر الابداع



بعبارات...رائعه..!1





سنتعلم منك الارتقاء بالكلمات


تقبل مني ورود المساء..!!